Skip to main content

Nuummi akunnittarfimmik sanaartorneq aallartippoq

Naak Nuummi mittarfissamut nutaamut suli aalajangiisoqanngikkaluartoq Helge Tang tunuarsimaanngilaq, Nuummi akunnittarfimmillu 100 millionit koruuninik akilimmik sanaartugassanik tamakkiisumik suliarinnittussamik aamma suliarinneqataasussanut isumaqatigiissusioqqammerpoq.

Akunnittarfik Permagreen Grønlandip tamakkiisumik suliarinnittuliullugu Brøndum Grønland aamma Polar El suliarinneqataasuliullugit, titartaasarfik TNT Nuuk titartaasuussallutik.

Init 108

Akunnittarfik HHE Expressimik taaguuteqassaq, pingasunillu quleriinnik portussuseqassalluni 108-nillu initaqasalluni, saaffiginnittarfik, ullaakkut nerisarfik kiisalu ullukkut unnukkullu café ammasartussaq, tamanna Polarbop siulittaasuata, Helge Tangip, tusagassiuutinut nalunaarummi nassiussaani atuarneqarsinnaavoq.

Illu akunnittarfiinnaassanngilaq, kisianni aamma allaffinnik attartugassartaqassaaq, aamma pisiniarfittaqassalluni 7 elevenitut ittumik.

Suleqatigiit Hotel Hans Egedemik pilersitsisut Juhl & Tang 100 millionit koruunit tikillugit aningaasaliisuupput. Hotel Hans Egedemik ingerlatseqatigiiffiup akunnittarfik akikitsumik taagorneqartoq ingerlatissavaa, maanna unnuineq ataaseq 799 koruuneqartoq nalunaarutigereerpaat.

Mittarfiup suliarineqarnera pissangallutik malinnaaffigigaat

Tusagassiuutinut nalunaarut naapertorlugu Helge Tangip nassuiarpaa, ‘’Nuummi niuertut allarpassuit assigalugit mittarfiup takissusissaasa oqallisigineqarnerat soqutiginnilluni malinnaaffigai, aammalu inuussutissarsiortut takornarialerisullu ersarissumik 2.200 meterisut takissuseqarnissaanik kissaateqarneq malinneqassasoq neriuutigaara, tamatuma ukiorpassuarni nunap attaveqaqatigiinnera siunissamut qulakkiissavaa’’.

Juhl & Tang nutaamik akunnittarfeqalernerminni ininik 264-nik aamma akunnittarfimmi inissianik 20-nik peqalissapput.

Kommuneqarfik Sermersuumi Meeqqanut Ilaqutariinnullu politikki nutarterneqarpoq

Kommuneqarfik Sermersooq Meeqqanut Ilaqutariinnullu politikkimik nutarterisussanngorpoq, pingaarnertullu sammineqartussat ilagaat meeqqat inuusuttullu inuuniarnermikkut...

U15-it futsalimi pissartanngorniunneranni Kommuneqarfik Sermersuumeersut angusaqarluartut

Holdit sisamat kommunitsinneersut pitsaanerit tallimat akornanni inissipput. Sapaatip akunnerani kingullermi U15-inut futsalimi Nunatsinni pissartanngorniuttoqarnerani kommunitsinneersut...

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

Seneste Ugeavis

SENESTE NUUK - NYHEDER

MEST LÆSTE