Pajuttaat Qasigiannguanut tikittoq
Royal Arctic Linep pajuttaataa Irena Arctica pingasunngornermi ualikkut tulappoq.
Qasigiannguani pisiniarfinni ilisiviit maanna immerput.
Tassami pingasunngornermi ualikkut Royal Arctic Linep pajuttaataa Irena Arctica illoqarfimmut tikippoq, containerit 38-t usingiarneqarput.
Umiarsuaatileqatigiiffik nittartakkamini taama ilisimatitsivoq.
- Umiarsuup tikinnissaanut pilersaarutit malillugit, qaammat ataaseq sioqqullugu umiarsuaq Qasigiannguanut tikippoq, tamannalu nuannaarutigeqaarput, ingammik pisiniarfiit pisiassaateqannginneri eqqarsaatigalugit, Royal Arctic Line allappoq.