Skip to main content

Pan Am-imi karakteerit: Ajugaalluataarnerup Nunarput kivippaa

Kalaallit Nunaata arsarnermi siulersortaa unammineq pissanganarluinnartoq siulersuiffigaa. Kalaallit Nunaata tamakkerluni Minik Dahl Høegh arsarluartoq isiginnaarpaat. Ulf Abrahamsen Uruguayiut ajugaanerup kingorna uani nalilersuillunilu arsartunik karakteeriliivoq

Nunatsinni assammik arsarluni unamminermi pissanganartumi asseqanngitsumi Minik Dahl Høegh qularnaateqarani arsarluarpoq.

Aamma annertuumi sulineq nalinginnaanngitsumillu iligiit suleqatigiinnerisigut ataasiakkaat takutitsilluarnerisigut ajugaasoqarpoq.

Aqqalu Ingemannip peqataajunnaarnerani nunanut allanut unammisartunut sungiusaasoq Miilu Rosing taartaatillugu allannguititsivoq.

Taanna isiginnaarlugu nuannerpoq, sukkallunilu toraajuvoq. Qungujulanera aamma pisassaannginnera unammisartunut allanut sunniuteqarpoq, arsaaffimmi aamma minnerunngitsumik Inussivik tamakkerlugu assigiinngitsunik kusanartunik isertitsinermini tamani qiimmattartitsisarpoq.

Nunatta assammik arsartartuni måliniillaqqinnerpaartaat Isak Olsen unamminerup immikkoortuani siullermi 57 procentinik isertitseriarnernik annaassaqarnera qujaffigisinnaavarput, taanna unammilluarlunilu pisuni pingaarutilinni eqqissisimavoq.

Muminnermi 17-14-eqqapput. 

Unamminerup immikkoortuata aappaani Kalaallit Nunaat sisamariarluni isertitsivoq, Uruguay ataaseraartoq. Kisianni minutsit 44-t ingerlareersut siuaqqalluarneq annaaneqarpoq.

Unamminerup naammassiartornerani Andreas Lorentzen ilungersortoq, unamminerup naammassinissanut minutsit arfiniliinnanngortut illersuinermi ikusimmissigami toqqaannartumik aappaluttumik nittaavigineqarluni anisinneqarmat tupappugut.

Minutsini tulliuttuni Uruguay målimik ataasiinnarmik kinguarsimapput, 28-28-imillu angusaqarnissamik periarfissaqarlutik, kisianni Isak Olsenip annaassilluarnerani Inussivimmi unammineq pissanganarseqqippoq.

Unamminerup naammassinissaanut minutsit sisamaannanngortut Uruguay 28-28-imik naligiilersitsivoq, tassanilu isiginnaartut tamarmik ugguarpalunnerat tusaaneqarsinnaavoq.

Pissanganartumik saassussineq kalaallit strafferlutik isersitsitseriarnissaannik kinguneqarpoq. Taannalu Minik Dahl Høeghip qularnaatsumik isertippaa.

Minutsi ataaseq qaangiuttoq Uruguay 29-29-imut isertitseqqippoq.

Minik Dahl Høegh unamminermi minutsini kingullerni akisussaaffimmik annertuumik tigusilluni 30-29-imut avataanit isertitsivoq.

Unamminerup naammassilluinnalernerani time-outernerup kingorna Miki Heilmann isertinneqartoq sekundini kingullerni isertitsimmat nuannattorsuaqarpoq. 

Karakteerit:

Isak Olsen
Karakter: 4

Taatsiaq Villadsen
Karakter: UB
 

Lars Ole Lyberth
Karakter: 4

Aqqa Lings
Karakter:
UB
 

Miilu Rosing
Karakter: 4
 

Minik Dahl Høegh
Karakter: 4
 

Akutaaneq Kreutzmann
Karakter: 4

Angutimmarik Kreutzmann
Karakter: 4

Miki Heilmann
Karakter: 4

Nuka Heilmann
Karakter: 4

Eqalunnguaq Kristiansen
Karakter: 4

Andreas Lorentzen
Karakter: 4

Milan Olsen
Karakter: UB

Johannes Groth
Karakter: UB

Marco Geisler
Karakter: UB

Aqqalu Sandgreen
Karakter: UB

Ingi Olsen, sungiusaasoq
Karakter: 4

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

MEST LÆSTE

SENESTE NYHEDER