Amerikap nunavittaani pissartanngorniunnermi Kalaallit Nunaat ataasinngornermi unnukkut Uruguayimut ajugaanermi kingorna semifinalimut qanillilluni annertuumik alloriarpoq.

Unammineq naammassisoq kalaallit 31-29-imik ajugaapput, tamatumalu kinguneranik Pan Amimi pingasoriarlutik unammereerlutik Gruppe B-mi aappaattut inissisimalerput.

Najukkami isiginnaartut illersuilluartut saavanni unammineq pissanganarluinnarpoq. Kalaallit unammineq tamakkerlugu siuarsimalaaginnavipput, muminnermilu 17-14-imik siuaqqallutik. Unamminerup immikkoortuata aappaani Uruguay qaqeqqippput, tassanilu unamminerup naammassinissaanut minutsit marluinnanngortut 29-29-mik naligiipput. 

Kisianni Kalaallit Nunaannut nuannersumik naammassivoq, ajugaanerlu Miki Heilmannip isertitsineranik qulakkeerneqarpoq.

Aqqalu Ingemannip ajoquernerata kingorna, isuani saamimmi arsartartoq Miilu Rosing arsarlualaavippoq, taanna unamminermi arfinilinnik isertitsivoq.

Aqagu marlunngornermi Pan Amimi unammisoqassanngilaq. Kisianni pingasunngorpat Kalaallit Nunaata Brasiliamiut nukittuut unammissavaat. Unamminermi ajugaasut gruppemi ajugaasuussapput.

Ataasinngornermi unamminerit:

Gruppe A:

Puerto Rico - Guatemala: 32-21

Chile - Peru: 36-13

Gruppe B:

Canada - Colombia: 25-24

Brasilien - Paraguay: 40-14

Kalaallit Nunaat - Uruguay 31-29

Gruppe A-mi inissisimanerit:

1. Chile 6 point pingoriarluni unammereernermi

2. Argentina 4 point marloriarluni unammereerluni

3. Puerto Rico 2 point pingasoriarluni unammereerluni

4. Guatemala 0 point marloriarluni unammereerluni

5. Peru 0 point marloriarluni unammereerluni

Gruppe B-mi inissisimaneq:

1. Brasilien 6 point pingasoriarluni unammereerluni

2. Grønland 6 point pingasoriarluni unammereerluni

3. Uruguay 4 point pingasoriarluni unammereerluni

4. Canada 2 point pingasoriarluni unammereerluni

5. Colombia 0 point efter tre kampe

6. Paraguay 0 point pingasoriarluni unammereerluni