Aningaaanut inatsit pingajussaaneerluni oqaluuserineqarnerani Henrik Fleischerip aallarniutigalugu erseqqissaatigaa, "taakku maani (aktiat aaqq.) nunaqavissunut tuniniarneqarnissaat piumasaqaataasariaqartoq isumaqarpugut.".

Nassuiaammik piumasaqarneq

Piumasaqaat ima tunngavilersorneqarpoq, "inuiaat kalaallit nammineerusuttut nalilinnik peqartuarnissaat pingaaruteqarmat."

- Taamaammat nassuiaatiniit issuakkatta sukumiisumik itisilerlugu nassuiaateqarfigi-neqarnissaa piumasaraarput, Henrik Fleischer, aningaasanut inatsimmi oqaasertaliunneqarsimasoq tikkuarpaa, tassani Namminersorlutik Oqartussat ingerlatseqatigiiffiutimini 100 million koruunit angullugit aktianik tunisisinnaasoq aningaasallu taakku Kalaallit Airportsimut aningaasaliissutigineqassallutik.

Aningaasaleeriaaseq nutaaq

Periarfissatut atorneqarsinnaasoq alla Partii Naleqqamit taaneqarsimavoq, tassalu "Namminersorlutik Oqartussat pappilissanik nalilinnik niueruteqarsinnaanermut pilersitsinissamik periarfissarsiuussisoqartariaqartoq".

Partiip erseqqissaatigaa, pingasunik mittarfiliortitsinissamut pilersaarutinut tapersersuilluni.

- Taamaattorli qulakkeerusupparput inuiaqatigiinni pissakinnernut akunnattumillu isertitaqartunut immikkut artukkiisoqannginnissaa., Henrik Fleischer oqarpoq.