Skip to main content

Pinerluuteqarsimasut isertitsivissaannik sanaartorneq ilusinittoq

Nuummi pinerluuteqarsimasunut isertitsivissaq Quassussuup ataaniittoq ilusinikkiartorpoq

Sanaartorneq, illussanik titartaasartut Friis og Molkte-mit titartarneqarsimasoq, ukiup tulliani maajip qaammataani naammassinissaa naatsorsuutigineqarpoq. Sullivissarlu 80-inik sulisoqassaaq – pingaarnertut anstaltsbetjentit aammali peqqissutsimut suliaqartussat.

Betonngimik qarmagaq

Isertitsivik portusuumik kaajallallugu betonngimik qarmalersugaavoq. Isertitsivik sivinganermi toqqaveqarmat, isertitsivinniittut sulisullu 76-it Nuup Kangerluanut Sermitsiamullu isikkiveqassapput.

Isertitsivik aatsaat maajimi 2019-imi ammarneqartussaangaluartoq, peqqissutsimut suliallit soorlu tarnip pissusiinik ilisimasallik, tarnip nappaataanut nakorsat peqqissaasullu ukiup tulliani januarip qaammataani atorfinitsinneqassapput.

Isertitsivimmi aqutsisussaq ulloq 1. juli atorfinititsisoqarpoq. Tassa Tina Dam Kommuneqarfik Sermersuumi atorfilittaq isertitsivimmi aqutsisutut atorfinitsinneqarpoq.

Immikkoortoqarfiit ammasut matoqqasullu

Isertitsivik marlunnik katillugu 36-inut inissalimmi ammasunik immikkoortoqarpoq, inissallu 40-rut matoqqasuulluni. Matoqqasumik immikkoortoqarfik Kalaallit Nunaanni siullersaraat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER