Naak inuup inuuneranik ulorianartorsiortitsisoqaraluartoq, qaartiterinermut pisortaq aamma suliffeqarfik pillarneqassanngillat.

Nalugiat qimagussortinneqartut

Qaartitsineq meterit hunnorujulikkaanik arlalinnik ungasissusilimmi pivoq, taamaakkaluartoq ajutoortoqarpoq, naluttarfimmilu nalugiat ingerlaannaq qimagussortinneqarput. Naak ajutoorneq ammanerata nalaani pigaluartoq, inuk ataasiinneq annikitsuinnarmik ajoquserpoq.

Qaartitsineq nermallak aqqutsigalugu umiarsualiveqarfimmut ikaartarfiliorfimmi ikuallaaviup akiani pivoq. 

Ajutoornerup kingorna politiit misissuinertik erngertumik aallartippaat, qaartitsinissallu sinneri tamarmik unitsinneqarallarlutik. 

LÆS OGSÅ: Qaartitsisoqarnerani ujarak naluttarfimmut tammittoq

Malittarisassat tamarmik malinneqartut

- Malittarisassat tamarmik malinneqarsimasut, ajutoornerup kingorna Maliup eqqaani misissuinerit naqissuserpaat. Tamanna pissutigalugu akiligassiinissamut tunngavissaqanngilaq, unnerluussisussaatitaasoq, Michael Bo Hansen, Sermitsiaq.AG-mut taama oqarpoq. 

Taamaattumik unnerluussisussaatitaasup suliaq naammassisutut nalilerpaa.

Naalakkersuisoqarfik isumaqataasoq

Pinngortitamut Avatangiisinullu Naalakkersuisoqarfiup suliffeqarfik/qaartiterinermut pisortap akiligassiisoqarneratigut allatulluunniit kinguneqartitsiffigineqannginnera naammagisimaarpaa?

- Pinngortitamut Avatangiisinullu Naalakkersuisoqarfiup politiit aalajangiinerat pissarsiaraa, tusaatissatullu tamanna tiguneqarpoq. Ajutoorneq piaaraluni imaluunniit malittarisassanik unioqqutitsinikkut pisimannginneranik politiit paasinninnerat naalakkersuisoqarfiup isumaqatigaa, naalakkersuisoqarfimmi pisortaq, Mette Skarregaard Pedersen, Sermitsiaq.AG-mut taama ilisimatitsivoq.

Qaartitsisoqarnerani isumannaallisaanerup sukateriffigineqarnissaanut aalajangiineq kinguneqassava?

- Naalakkersuisoqarfik qaartiterinermut aqutsisumut pineqartumut suliffeqarfimmullu peqqussummik tunniussivoq. Isumannaallisaanikkut ungalup annertussusissaanik annerusumik aalajangiinermik, kiisalu qaartitsinnginnermi qaqqap pitsaanerusumik misissorneqarnissaanut peqqussut tunngassuteqarpoq.

Ajutoorneq ataaseq annertuallaarpoq

Ujaqqat qaartitsiviusumit meterit hunnorujulikkaat arlallit aqunneqaratik igeriunneqarsinnaanerat, taamaalillutillu innuttaasunut ulorianartorsiortitsinerat ajoqutaanngitsoq naalakkersuisoqarfik isumaqarpa?

- Naagga. Ajutoorneq ataaseq annertuallaarpoq, qaartitsinerillu soorunami arlaannut ulorianartorsiortitsisussaanngillat. Qaartitsinermut aqutsisup isummaannaallisaanikkut ungasissutsimik isumannaatsumik aalajangiinissaa piumasaqaataavoq, taamaalilluni ajutoornernik pinngitsoortitsisussaallutik, Mette Skarregaard Pedersen akivoq.

Piffissap sivikitsup iluani ajutoornerit tallimat

Ukioq ataaseq sinnilaarlugu ingerlanerani qaartitsilluni ajutoornerit tallimaapput. Ajutoornerit sisamat 2017-imi  ukiormannalu ataaseq. Siorna ajutoornerit tallimat naalakkersuisoqarfiup tungaanit naammassineqarput, illuanik 400-talimmi angallaffiusumi, ujaqqanik nakkaatitsiffiusoq suli misissorneqarpoq.

Tassani qaartitsisoqarnera pillugu nalunaarusiaq piareerneqangajalersoq, naalakkersuisoqarfimmi pisortaq ilisimatitsivoq. Malittarisassat sorliit unioqqutinneqarsimanersoq nalunaarusiami allaatigineqarput, kingornalu politiinut tunniunneqassaaq, taakku akiligassiisoqassanersoq pillaasoqassanersorluunniit aalajangissavaat.

Nutaarsiassat

Isuliffimmi sanaartorfissanik sanaartorfigineqariaannanngortunik nalunaarutiginninneq

Kommuneqarfik Sermersuup nalunaarutigaa Isuliffimmi Qinngutsinniittumi nunaminertanik inuussutissarsiornermut atugassanik qinnuteqarnissamut maanna periarfissaalersoq.

Uku pineqarput:...

Aningaasaqarnermut Inuussutissarsiornermullu Ataatsimiititap ataatsimiinnissaa kinguartinneqarpoq

Aningaasaqarnermut Inuussutissarsiornermullu Ataatsimiititap ataatsimiinnissaa apriilip ulluisa 30-anni pisussaagaluartoq kinguartinneqarpoq. Ataatsimiinnissap ullormut allamut nuutinnissaa...