Skip to main content

Qineqqusaarneq: Sarap aamma Kimmip uku nuannaarutiginerpaavaat

Qineqqusaarneq sakkortooq naammassingajalerpoq. Partiini marlunnik siuttut, Naalakkersuisut siulittaasuattut atorfimmik pissaaneqarfiusumut qineqqusaartut, qineqqusaarnermi ingerlasumi sammisat assigiinngilluinnartut nuannaarutigaat.

Naalakkersuisut siulittaasoqarfianni init quleriit qulingiluaannit, qineqqusaarnermi pineqartumi, Kim Kielsen eqqissilluni issiavoq, taassumalu qineqqusaarnermi suna nuannaarutiginerpaanerlugu aperineqarami akissutissaminik qularutiginninngilaq.

Appisaluussisoqanngitsoq

- Siulianut sanilliullugu qineqqusaarnermi oqallinneq allanngorpoq. Tunngaveqarluarnerulerpoq. Aap, annertuumik appisaluussisunik takusaqanngilagut, Kim Kielsen isumaqarpoq.

Siumut tamanik suleqateqarsinnaasoq takutissimallugu, taassuma erseqqissarpaa. Tamannalu siammasissumik aamma kinguneqartussamik isumaliuliorluni politikkikkut suleqatigiinneq eqqarsaatigilluarpaa.

Tamatumunngalu atatillugu Kim Kielsen ilanngullugu oqarpoq:

- Siumup avaqqunneqarnissaa ajornakusoorpoq. Uangalu ataatsimoorneq pisariaqartinneqartoq pilersinniarlugu iliuuseqassaanga, taamaalilluta nunatut inuiattullu ataatsimoortutut saqqummissaagut, Siumup siuttua oqarpoq.

Isumaginninnikkut iliuuseqarneq isumaqatigiissutigineqartoq

Ullup taassuma siuliani Sara Olsvig apeqqutinik assinganik Sermitsiaq.AG-mit aperineqarami, allaffimmi ajukkunnarnerulaami apersorneqarnissaminut atorsimasaani suleqatiminit atorsimasaani Inatsisartoqarfimmi tamanna pivoq.

- Isumaginninnikkut unammilligassarpassuaqarpugut, partiillu tamarmik matumani saniatigut iliuuseqaqqinnissaminnut piareersimanerat nuannaarutigaara, Sara Olsvig neriulluartoq taama oqarpoq.

Arnat nakuuserfigineqartartut aamma meeqqat sumiginnakkat ukiuni aggersuni ikiliartuinnaratik annertuumik ikilisinneqarnissaannik, taanna neriuuteqarpoq.

Qineqqusaarnermi partiit tamarmik sammisaq oqaluuserisassani salliutimmassuk, neriuutigineqartoq pissuteqarluarpoq.

Taakku KNR-imi naggataarutaasumik akerleriisinneqarlutik unnugu naapissapput.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

MEST LÆSTE

SENESTE NYHEDER