Radiomi pisortaq: Akunnikkuutaartumik nutaarsiassiisarneq qasunarsimavoq
Raadioaviisip ullormut arfineq-marloriarluni aallakaatittalerneqarnissaanik aalajangiineq sulisunit peqataaffigineqarpoq.
2014-mi akunnikkuutaartumik nutaarsiassiisarnerup eqqunneqarnerata kingorna nutaarsiassaqartitsivimmi sulisunut qasunarsimanera, nutaarsiassaqartitsinermi pisortaq Mikkel Bjarnø Lund Sermitsiaq.AG-mut paasissutissiivoq
Suliffimmi isumannaallisaanikkut pissutsit
- Taamaatitsisariaqalersimavugut suliattalu pitsaassusaat qiviartariaqarlugit, Mikkel Bjarnø Lund nassuiaavoq.
Akunnikkuutaartumik nutaarsiassiisarnermi pitsaassuseq isornartorsiorneqarsinnaannginnerarpaa taamaattoq raadioaviisini uteqqattaarinerit amerlavallaarnerarlugit. Aammattaaq nutaarsiassaqartitsivik kalaallit oqaasii pillugit kiffartuussisutut immikkut pisussaaffeqarpoq.
Oqaatsinik pitsanngorsaaneq
- Aalajangiinitsinni kissaatigaarput tunngavilersorluakkanik suliarilluakkanillu nutaarsiassiisarnissaq. Kalaallillu oqaasiisa ineriartortinneqarnissaat pitsanngorsarnissaallu immikkut pisussaaffigaarput. Siornatigut sukkavallaamik aalajangiisarsimagunarpugut tamannalu ilaatigut pitsaassutsimik qulakkeerinninniarnermut pitsaanerpaaneq ajorluni, taanna itisiliivoq.
Sulisut peqataatinneqartut
Nutaamik aallakaatitsinissamik pilersaarut sulisut peqatigalugit suliarineqarpoq, tassani raadioaviisit amerlassusaat arfineq-marlunut ikilisinneqarlutik.
- Ilimagaara pitsaanerusumik suliarilluakkanillu nutaarsiassalerisarnissarput sulisunit amerlasuunit nuannaarutigineqassasoq, nutaarsiassaqartitsinermut pisortaq oqarpoq.
KNR aningaasanut inatsimmiit aningaasalersorneqarpoq. KNR-imut ingerlatsinermut aningaasat 2017-miit 2018-imut nikisinneqarsimanngillat.
