Qallunaani inuussutissarsiornermi aamma pisortat suliffeqarfiutaanni siuttut akissarsiagissut nunatsinni ineriartornissamik kigaalaqutaasut, RAL-imi pisortaq Verner Hammeken isumaqarpoq. Tamanna atuakkami Martin Breumip atuakkiaani ’Hvis Grønland river sig løs’-imi atuarneqarsinnaavoq.

- Qaffasissumik atorfillit aamma Kalaallit Nunaanni inuiaqatigiit akornanni atassuteqaat uuliatut imertullu ippoq. Akulerutinngisaannartut. Kulturit assigiinngitsut marluk maani inuupput. Allannguinissanut pissutsinut qanganitsanut uteqqikkisunnermik tamanna pilersitsisarpoq, taanna atuakkami oqarpoq.

Nutaamik eqqarsarnermut unikaallaataasoq isumaqartoq

RAL-imi pisortanngorami aqutsisut qallunaajunerusut naapippai. Siulliit ilaattut pisortat aamma pisortat tulliit arlallit soraarsippai, ingammik kalaallisut tunuliaquteqanngitsut. Aammattaaq RAL-ip ingerlateqatigiiffiit Aalborgimi piginneqataaffigisai peerpai, taassuma oqarnera naapertorlugu ‘Kalaallit Nunaannut attuumassuteqanngimmata’.

Inuussutissarsiornermi pisortanilu qallunaat ‘uuliamik qalippertitsisut’ pisarialimmik ineriartortsinissamik kigaallatsitsisut, taanna isumaqarpoq.

- Inuit taakku sivisoorsuarmik atorfigissaarlutik maaniipput. Kisianni taamatut inissisimaffinni sivisoorsuarmik oqimaatsumik issiagaanni, taava nutaat qaqinissaannut periarfissinneqarneq ajorput, taanna atuakkami oqarpoq. 

Verner Hammekenip isummersuutini itisilerusunnerai pillugu Sermitsiaq.AG-p attaveqarfiginikuuaa. Kisianni atuagaq ‘nammineq oqaluttuartoq’ nalunaarutigaa.

Sulisitsisut asissuineraapput

Akerlianik Sulisitsisut (GE) atuakkami oqaatigineqartoq sakkortuumik qisuariarfigaat, taanna aamma aviisimi Politikenimi takisuumik issuarneqarsimavoq.

- Oqaatsit atukkani aallaavigalugit aammalu »uuliamik qalippertitsisutut« taaguusiinermigut, inuit pingaaruteqartuni issiasut, mamarlerlugit imminut eqqartuussisutut inissippoq, uffa pineqartut tassaasut inuit Naalakkersuisunit, kommuninit, suliffeqarfinnit il.il pisariaqartinneqarlutik tikisitaasut inatsisit tunuliaqutaralugit suliassanik pingaartunik aallaveqartumik, Sulisitsisuni siulittaasup tullia, Jens Peter Pars, uani sapaatip-akunnerani AG-mi isummersorluni allappoq.

Napparsimmavinni, utoqqaat illuini, atuarfinni, pisortat allaffeqarfiini suliffeqarfiinilu sullissilluartut, taanna isumaqarpoq.

- Isumaqarpunga ataatigut titarnilerlugu oqaatigisariaqaripput, nukiit pitsaasut tamarluinnaasa atorfissaqarteqigatsigit.

- Apeqqutaatinnagu suliartorlutik nunatsinniittut sivikitsumik sivisuumilluunniit nunatsinniinnersut, suminngaanneersuunersullu. Tamakku tamaasa Verner Hammekenip tusaruminaatsumik oqalunnermigut, »Ulliamik qalippiisutut « taallugit, ajattorpai. Tamannalu tusaruminaatsippara, tassa Verner Hammekenip oqariartornermigut, peersinniartutut immagit, inuit atorfissaqartikkaluaqisagut.

Jens Peter Parsip isummersuutaa tamaat AG-mi uani sapaatip-akunnerani saqqummertumi atuarsinnaavat: