Skip to main content

Robert Petersen 90-iliivoq

Ilisimatusarfimmi rektorit siullersaat Nunatsinni ilisimatusarnermut aamma ilinniarnermut pingaarutilimmik sunniuteqarsimavoq.

Ilisimatusarnermi ilinniartitaanermilu malunniuteqarluarsimasoq ullumikkut 90-iliilluni inuiissiorpoq. Tassami Robert Petersenip Nunatsinni ilisimatusarnikkut ilinniartitaanikkullu sunniuteqarsimanera ingasaanneqarlutik takorluugassaannaanngillat.

- Suliatit amerlaqaat siamasissupilussuullutillu, tassami piginnaanitit tamatigooqaat, Ilisimatusarfiup maanna rektoria, Gitte Adler Reimer, inuuissiorneranut atatillugu oqalugiarnermini taama oqarpoq.

Robert Petersen apriilip 18-anni 1928 Maniitsumi.

Ukioq 1948 Ilinniarfissuarmi ilinniartitsisunngorpoq, Danmarkimilu ilinniartitsisunngorluni 1953-imi.

1967-imi Københavnip Universitetiani mag.art.-itut soraarummeerpoq, 1975-imilu Københavnip Universitetiani eskimologiimiprofessorinngorluni.

- Ukiorpanni antroplogiimi oqaatsinullu tunngasunik inerititaqarluartumik sulisimavutit; tuluttut, qallunaatut kalaallisullu saqqummersitsisarlutit. Nunarsuup sinnerani Kalaallit Nunaanni pissutsini aammalumi inuiaat Inuit pillugit immikkut ittumik ilisimasalittut ataqqineqarputit, Gitte Adler Reimer oqalugiaammini oqarpoq.

Nunat tamalaat pitsaassusaat

Ilisimatusarfiup aallarnisarneqarnerani Robert Petersen suleqataavoq, 1983-imilu Ilisimatusarfiup aallarniutaa, Inuit Institut, pilersinneqarmat tassani pisortaalluni.  

1987-imiit 1995-imi soraarninngornissami tungaanut Ilisimatusarfiup universitetitut taaguuteqalerneraniit tassani rektoriuvoq.

Ilisimatusarfiup nunat tamalaat pitsaassusaannik naleqarnissani aallaqqaataaniilli anguniassagaa pingaartippaa.

- Oqareernittut Ilisimatusarfiup aallarnisarneqarnera siuttuuffigaat – ullumikkullumi Ilisimatusarfimmut pilersaarutitaallartissimasatit suli atuupput, suliniutigisimasavit ilaat nutarterlutillu tulluarsagaasimallutik. Oqarsinnaagunarpugut ilinniakkat ilisimatusarnerillu Ilisimatusarfimmi taamani illit rektoritut pilersitseqataaffigalugillu piviusunngortissimasatit suli ulloq manna tikillugu  annertuumik sinaakkuttatut atorneqarmata – tassalu ilinniartitsineq ilisimatusarnerlu ilinniakkat sammivii assigiinngitsut akimorlugit Ilisimatusarfimmi suli ingerlanneqarmata, maanna rektoriusoq oqarpoq.

Issittumi ilisimatusarnerni ukiorpassuarni tatigineqarluni Robert Petersen suleqataavoq, nunat inoqqaavittaaq pillugit ilisimatusarluni suleqatigiinnut arlalinnut peqataasarluni. Allattaasitaap pilersinneqarnissaanut suleqatigiissitanut peqataavoq. Allattaasitaaq 1973-imi pisortatigoortumik atorneqalerpoq.

1992-imi Laval Universitymi Quebecimi ataqqinaammikdoktorinngortinneqarpoq, 2010-mi Ilisimatusarfimmi ataqqinaammik doktorinngortinneqarluni. Arlalinnittaaq suliani pillugit nersorniarneqartarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

MEST LÆSTE

SENESTE NYHEDER