Skip to main content

Royal Greenland angusarissaartoq

Naak Tuluit Nunaanni aamma USA-mi aningaasat nalii ingerlalluarsimanngikkaluartut, Royal Greenland akileraarutit suli ilanngaasernagit milliardit sisamararterutaannik sinneqartoorpoq.

Nammisorlutik Oqartussat ingerlatseqatigiiffiutaa 5,6 milliard koruuninik kaaviiaatitaqarsimasup 2017-imi ukiumut naatsorsuutai saqqummiunneqaqqammerput. Ukiumut angusat 129 million koruuniupput, tassa ukiup siulianiit 20 million koruuninik amerlanerullutik.

Ingerlatsiviit pingasut ingerlalluartut

Ingammik ingerlatsiviit pingasut suliffeqarfiup ineriartorneranut tapertaasimapput: raajat qalipallit, qalerallit saattuallu. Akerlianillu raajat uusut qalipaajakkallu tungaatigut qaammatini qulingiluani siullerni ilungersunartorsiorfiusimavoq naak tunisassiat 24 procentimik qaffariaateqarsimangaluartut. 

Raajat qalipallit siorna
angusaqarluarnerpaaffiusimasoq qaangerneqarpoq, Royal Greenlandillu qaleralinnik
nunarsuarmi tunisaqarnerpaatut inissisimaffini 5 procentinik qaffariaateqarfigaa aammalu
Japanimi aningaasarsiorluarnini pitsanngoriaateqarfigilluarlugu, ukiumut naatsorsuutini allassimavoq.

70 million koruuninut aningaasaliineq

- Iliuusissatut pilersaaruterput The North Atlantic Champion naapertorlugu Uummannami Aappilattumilu tunisassiorfinnik allisaanitsinni katillugit 70 millioner koruuninik
aningaasaliissuteqarsimavugut, taamalu Royal Greenlandip tunisassiornikkut nakuunerulersinneratigut Kalaallit Nunaanni annertunerusumik nalitusaanerulernissatsinnut periarfissaqalissaagut. Aningaasaliissuteqarnerit Kalaallit Nunaanni sumiiffinni allani
ingerlatissavagut taamalu Royal Greenlandip qaleralinnik nunarsuarmi tunisaqarnerpaatut inissisimanera suli patajaannerulersillugu, Mikael Thinghuus Royal Greenlandip pisortaanera, tusagassiuutinut nalunaarummi oqarpoq.

Iluatsilluarneq

Issittup saattuai Japanimi aamma USA-mi piumaneqarluarlutillu akigissaartumik tunisaalluartarnerisigut

ingerlalluarnerat suli attatiinnarneqarpoq. Saattuat iliuusissatut pilersaarut naapertorlugu suliffeqarfissuarmi
tunisassiatut pingaarutilittut inissipput.

- Akerlianilli saarullik Atlantikup avannaaneersoq Royal Greenlandimut amigartoorutaajuarsinnarpoq. Taamaakkaluartoq aalajangerpugut Nutaaq-mik Maniitsumi suliniutitsinnut aningaasaliissuteqarnivut attatiinnarniarlugit, taamaalillutalu tunisassianik pitsaassuseqarluinnartunik inerisaaqqinnitsigut annertusaanerput pitsanngoriarteqqillugulu
aningaasarsiornikkut iluaqutaalersissavarput, Mikael Thinghuus oqarpoq.

Ukiut tallimat ingerlanerini 555 million koruunit Namminersorlutik Oqartussanut tunniunneqarsimasut

Royal Greenlandip ukiumut naatsorsuutini angusami affaat 64 million koruunit Namminersorlutik Oqartussanut agguagarsisitsinermigut aammalu akisussaassuseqarfigalugit atukkanut akilersuinermigut ukiuni tallimani kingullerni 555 millioner koruuninik pissarsisimasumut akiuleqassaaq.

Naatsorsuutikinneruneq

Royal Greenlandillu 2018-imut naatsorsuutini taama angusaqarnissani naatsorsuutiginngilaa. Naatsorsuutigineqarpoq, Kalaallit Nunaanni aalisakkanut akitsuutinit, tuniniaanerni pingaarnerni allamiut aningaasaasa appariaateqarnerannit kiisalu Newfoundlandimi pisassiissutit appariarnissaannik ilimasuutinit pissuteqartumik akimmiffeqarumaartoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

MEST LÆSTE

SENESTE NYHEDER