Sara Olsvig: Isumaqatiginninniartoqaqqinnissaa naatsorsuutigaarput
Siumut aamma Inuit Ataqatigiit aappassaa Naalakkersuisooqatigiilernissamik isumaqatiginninniareersut periarfissat assigiinngitsut suli ammapput
Isumaqatiginninniarnerup aappaani Siumut aamma IA akunnerup ataatsip missaani isumaqatiginninniaqatigiipput.
Siumumit qaaqquneqaqqinnissi naatsorsuutigalugu Sara Olsvig oqarpoq.
Isumaqatiginninniarnerit qanoq ingerlasimanersut oqaatigiumaneqanngilaq, matuni matoqqasuni isumaqatiginninniartoqartoq oqaatigineqarluni.