Skip to main content

Sisimiuni kulturip illorsua Taseralik ukiuni qulinngortorsiorpoq

Kulturip illorsua Taseralik ukiunik qulinngortorsiornerani, Sisimiuni innuttaasut sismanngornermi aaqqissuussanut arlalinnut peqataanissamut periarfissaqarput

Sisimiuni Taseralik ullumi sismanngornermi nuannaffiuvoq.

Tassami kulturip illorsua ukiuni qulinngortorsiorpoq. Taamaattumillu nalliuttorsiornermut atatillugu aaqqissuussaqartoqassaaq.

Eqqumiitsuliortoq assilialiortartoq nuimasoq Aka Høegh Taseralimmi saqqummersitsissaaq. Kisimiilluni saqqummersitai maajip naanerata tungaanut takuneqarsinnaassapput. 

Nipilersortartut tusaamaneqartut isiginnaartitsisut
Nunatta Isiginnaartitsisarfiata isiginnaagassiaa ‘Akunnerit’ sisamanngornermi unnukkut takuteqqaarneqassaaq.

Taseraliup nalliuttorsiorneranut immikkut isiginnaagassiaq taanna suliarineqarsimavoq. Isiginnaagassiaq Larseeraq Svendsenip erinarsugaanik aallaaveqarpoq.

Laarseeraq Svendsen 50-ikkunni tusaamaneqalerpoq, amerlasuunit ilisimaneqalerluni – allaammi immaqa Kalaallit Nunaanni erinarsortartut tusaamasat siullersaattut taasinnaavarput. Erinarsuutit ilisimalluakkavut nuannaarnermik imaqarajupput, oqillutik qiimanarlutillu, Taseralik allappoq.

Isiginnaartitsissusiami Karina Møller ilitsersuisuuvoq, Erinarsortuupput isiginnaartitsisuullutillu Nathan Kreutzmann, Kimmernaq Kjeldsen aamma Kuunu Berthelsen, nipilersortuullutik Jim Milne, Titken Jakobsen, Hanne Sandvig Immanuelsen kiisalu Anders Øgaard.

Taseralik sapaatiuppat tamanut kaffisortitsissaaq, tassanilu ilaatigut kaffeqarlunilu kaageqassaaq, erinarsortoqarluni aamma qilaatersortoqarluni.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

MEST LÆSTE

SENESTE NYHEDER