Skip to main content

Siunissami ilisimatusartussat inuiaqatigiinni aaqqiissutinik pilersitsiniarput

Ilisimatusartussat 17-t uani sapaatip-akunnerani Ilisimatusarfimmi katersuupput. Taakku inuiaqatigiinnut pingaarutilimmik ilisimatuussutsikkut misissuiniarput

Uani sapaatip-akunnerani inuusuttut kalaallit ilisimatuut Nuummi naapipput. Taakku ataatsimoorussamik anguniagaqarput: Ilisimasanik inuiaqatigiinni maanna ajornartorsiutaasut aaqqiivigeqataaffiginiarlugit ilisimasanik nassuiaatinik pilersitsiniarput.

Ph.d.-mik pikkorissarnerup ingerlanneqarneranut atatillugu katersuupput: Ilisimatusarfimmi ilisimatusarnikkut pisinnaasat aamma Issittumi ilisimatusarneq, 11.-16. marts pisoq. Pikkorissarnermut peqataasut katillugit 17-iupput, taakkunanngalu Ph.d.-mik suliniummik ingerlatseriinngitsut, aallartitaqarnissaminnik pilersaaruteqarlutillu Ilisimatusarfimmi atorfinitsinneqareerput.

Assigiinngitsunik sammisaqartut

Pikkorissarnermi peqataasut pitsaasunik, aamma ilisimatusarnikkut piginnaasat nalinginnaasut soorlu ilisimatuussutsikkut allanneq, paasissutissiineq, ilisimatusarnikkut teorii, misissuiartorluni sulineq aamma ilisimatusarnermi ileqqorissaarneq.

Ph.d.-mik ilinniagaqartut pikkorissarnermut peqataasut assigiinngitsunik siammasissunik suliaqarput, soorlu hepatitis, suliffeqarfiit, rubinit, utoqqaliartorneq, inuulluarneq aamma meeqqat atuarfiat. Ilisimatusarnerit tamarmik kalaallit inuiaqatigiit atorsinnaasaat.

Nunat tamalaat pitsaassusaanni qaffasinnerpaaq

Ph.d.-mik ilinniagaqartut siunissami Kalaallit Nunaanni ilisimatusarnermi suliaqartunut tunngaviusunut ilanngutissapput. Ilaat ilisimatusartunngorlutillu ilinniartitsisunngussapput, ilaallut qitiusumik atorfinissallutik, suliniutinik ingerlatsinermik, ilisimasanik pilersitsiortornermik aamma suliffeqarfinni oqartussanilu aamma suliffeqarfinni ukkataqarlutik atorfinissallutik.

Taamaattumik ilinniarnerup nunat tamalaat qaffasinnerpaat pitsaassusaat atornissaa pingaaruteqaroq, Ilisimatusarfimmi Ph.d.-mik ilinniartunut pisortaq, Anne Merrild Hansen nassuiaavoq.

- Ilinniartut ilisimatuutut allaatigisaat nalilerneqalerpata, nunani allani universitetini lektorit minnerpaamik marluk atorlugit naliliisinneratigut tamanna qulakkiissavarput, taanna oqarpoq.

Ph.d.-mik ilinniagaqartup ilisimaatuussutsikkut allaatigisani tunniuppagu, illersorneqarnissaminullu tulluartutut nalilerneqarpat, ilinniartup ilisimatuussutsikkut allaatigisani naliliisartut ataatsimiititaliaannut oqaluttariarsorluni illersussavaa, taanna pingasunik ilaasortaqassaaq, Ilisimatusarfimmit ataaseq, allaatigisamullu tunngasumut ilisimasallik avataaneersut allat.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

MEST LÆSTE

SENESTE NYHEDER