Skip to main content

Soraarnerussutisianit ilimagineqanngitsut: Nunap karsia ulikkaarpoq - immikkut ittumik 475 mio. koruuninnattoq

Soraarnerussutisiaateqarfiup PFA Soraarnerup matuneqarneranut atatillugu nunap karsia ilimagisamit millioninik amerlanerujussuarnik pissarsitinneqarpoq. Nunap karsiata akiliisinnaassuseqarnera annertuumik pitsanngoriarpoq.

Namminersorlutik Oqartussat naatsorsuutigisamit annertunerujussuarmik, immikkut ittumik PFA Soraarnermit akileraarutitigut isertitaqarput.

Immikkut ittumik akileraarutinut akiliinerit

PFA Soraarnerup matuneqarneranut atatillugu aningaasaatit ileqqaarneqartut Danmarkimut nuunneqarmata, soraarnerussutisiassat akileraaruteqarfigineqartussaanikuupput.

PFA Soraarnermi atuisut kalaallit aningaasaatitik sipaakkatik maani Nunatsinni ingerlatseqatigiiffinnut soraarnerussutisiaqarnissamut aaqqiissutinut nuussaneraat nalornissutigineqarsimavoq.

Isertitat 200 aamma 400 millionit koruuniunissaat naatsorsuutigineqarsimavoq, tamanna 2018-imut aningaasanut inatsimmi tapiliussamik isumaliutissiissummi atuarneqarsinnaavoq.

475 millionit koruuniusut

Naatsorsueqqissaartarfiup aningaasaqarnikkut pissutsip ineriartorneranik kisitsisinik takusassiamini kingullermi, Nunap karsia marsimi akileraarutitigut 475 millionit koruunit missaanik PFA Soraarnermit akiliiffigineqarsimasoq ilisimatitsissutigaa.

Aningaasat naliliinermit isumalluarfiunnginnerpaasumit 275 millionit koruunini aamma isumalluarnerpaasumik naliliinermit 75 millionit koruunersuarnik qaffasinneruvoq.

Aningaasat Nunap karsianut pisariaqartitsisumut pipput, taakkulu Nuummi, Ilulissani aamma Qaqortumi mittarfinnut nutaanut aningaasaliissutissatut aalajangiunneqareerput.

Nunap karsiata akiliisinnaassusaa pitsanngoriartoq

Naatsorsueqqissaartarfiup aningaasaqarnikkut pissutsip ineriartorneranik kisitsisitigut takusassaataani kingullermi atuarneqarsinnaavoq, Nunap karsiata akiliisinnaassusaa 1. kvartalimit 2016-imit piffissami tassani 2018-imut 33,6 procentimik qaffariarsimasoq. Aningaasanngorlugu 1,358 milliardinit 2,440 milliardit koruuninut.

 

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

MEST LÆSTE

SENESTE NYHEDER