Torontomi imerniartarfiup silataani angutip ataaseq toquppaa allallu 13-it ikilerlugit
Inuit arlallit - niviarsiaraq ilanngullugu - Canadami Torontop qeqqani aallaasersortoqarnerata kingorna ikilerneqarput
Canadami Torontomi sapaammi unnukkut aallaasersortoqarnerani arnaq ataasoq toquvoq, inuillu allat 13-t ikilerneqarput.
Ikilerneqartut ilagaat niviarsiaraq, taanna ulorianartorsiorpoq, Torontomi politiit ilisimatitsipput.
Tamatuma saniatigut pinerluuteqartoq imminut aallaalluni toquvoq, politiit nalunaarput.
Siullermik qulingiluat ikilerneqarsimasut oqaatigineqaraluarpoq. Taakku kingorna 13-inngorput.
Ikilerneqartut sinnerisa qanoq innerat suli ilisimaneqanngilaq. Tamarmik napparsimmaviliaanneqarsimapput.
- Ikilerneqartut qanoq innerat suli ilisimaneqanngilaq. Niviarsiaraq inuusuttoq ikilerneqartut ilagaat, Canadami politiit Twitterimi allapput.
Sumiiffimmi ilisimannittut sapaammi unnukkut qulip missaani 20-t missaannik igittoqartoq tusaasimagaat tusagassiorfiit allapput.
Aallaasersorneq Torontomi imerniartarfiup saavani Greektownimi pivoq.
Aallaasersornermut suna pissutaanersoq suli ilisimaneqanngilaq, Mark Pugash, politiit oqaaseqartartuat oqarpoq.