Suka K. Frederiksen isumaqarpoq inatsisit tunngaviusut pillugit isumalioqatigiissitami  politikkikkut isumaqatigiinnginneq inituallaarsimasoq  inuttaasut oqallinnissaraluannik  kalluaasumik. Tamanna pissutaaqataavoq aprilimi Inatsisartunut qinersisoqarnissaani qinigassanngortinniannginneranut.

Tunuarnissamut peqqutit arlaqartartut

- Arlalinnik pissuteqartumik qinigassanngorteqqinnianngilanga. Oqaatigisariaqarparali tunngaviusumik  inatsisiliornissamut isumalioqatigiissitap suleriaasissaa pillugu oqallinnermut nukipparujussuit  atorneqarnerat pakatsissutigigakku  inuttaasut oqallinnissaraluat  salliutinnagu, Suka K. Frederiksen oqarpoq.

Ukiaq Suka K. Frederiksenimut pikkunarsimaqaaq. Qaammatit arlallit  napparsimalluni sulinngiffeqarpoq oqqami killingatigut kræfteqalerami. Kemortilluni katsorsarneqarpoq aammalu tamakkiisumik oqalussinnaaleqqinniarluni sungiusaqqeqqaartariaqarluni.

Politikkikkut aamma misilittarneqangaatsiarpoq. Tunngaviusumik inatsisiliornissamut isumalioqatigiissitap  sulinerata aallartinnerani isumaqatigiinngissutaavoq kikkut isumalioqatigiissitami peqataasinnaanersut.

- Kissaatiginerugaluarpara nukiit  atorneqassasut innuttaasut oqallitsinneqarnerannut  politikkerit akornanni suleriaatsit pivallaarnagit. Isumaqarpunga tamanna torrallannerusimasinnaagaluaripput, Suka K. Frederiksen oqarpoq.

Matu matorlunneqanngitsoq

Erseqqissaatigaa matu matorlunnginnamiuk. Politikkimi unikaallarniarpoq inuttut anersaartorfissaqalaarusulluni.

Suka K. Frederiksenip AG aviisimi apeqqarissaarfigineqarnera atuaruk. Aviis uani pisiassaavoq: