Sofia Geisler IA-mut qinigassanngortinnerminut ima tunngavilersuivoq:

Ansvarlighed

- Naatsumik oqaatigalugu
pissutigalugu Inuit Ataqatigiit politikkiminni akisussaaqataaneq ilisarnaatigimmassuk, tusagassiuutinut nalunaarummi allassimavoq.

Ilinniartitaarnermut aaqqissuussineq taassuma politikkikkut suliniutiginiarpaa.

- Meeqqat atuarfiata suliassani siunertaatut naammassineraa nalilersussallugu pisariaqarpoq.
Pisariaqarluinnarpoq angajoqqaat akisussaaqataanerat ukkatarissallugu. Aamma pisariaqarluinnarpoq inuit
ataasiakkaat akisussaaqataanermik misigisimanerannik annertusaasinnaasunik iliuusissanik
naalakkersuinikkut iliuuseqarnissaq tikkuussinissarlu, Sofie Geisler paasissutissiivoq.

Naleqquttumik tunuliaqutalik

Taassuma tikkuarpaa, Tusagassiornermik Ilinniarfiusimasumi pisortaanermini ilinniartitaanermut tunngasut annertuumik
ilisimasaqarfigilersimallugit, tassunga ilaallutik ilinniartitaanikkut suliassat annertuut suusinnaanerat.

- Sulissutigerusuppara atualinnginnermi neqeroorutit, meeqqat atuarfiata, ilinniaqqiffiit suliffeqarnikkut pissutsit ataqatigiissumik isigineqalernissaat. Inuit ataasiakkaat ilinniakkatigut qanoq inissisimanerat malinnaaffigineqarsinnaasariaqarpoq. Taamaaliornikkummi suliffeqarnermi allannguutinut
piffissagallartillugu naleqqussarsinnaanermut inuiaqatigiit periarfissagissaarnerulissammata, IA-mi qinigassanngortittoq tusagassiuutinut nalunaarummi allappoq.