Unittaatip ajoquteqarnera nalinginnaanngitsumik minnermut pissutaasoq
Nuummi ukiormanna februaarimi timmisartuaqqap niffarlukunut pineranut, unittaatip aappaani hydraulikkimik maqisoorneq pissutaasimavoq.
Timmisartuaraq Canadamit Islandiliartoq Nuummi orsersorniaraluarpoq, kisianni unittaataa ajoquteqarmat minnera nalinginnaanngitsumik pivoq.
Ajutoornerit pillugit misissueqqissaartartut nalunaarusiartik piareerpaat, matumanilu timmisartortartoq aamma mittarfik pisuutinneqaratik, kiisalu sila ajorsimanngitsoq inerniliivoq, KNR taama allaaserisaqarpoq.
Inunnik ajoqusertoqanngitsoq
Unittaatip aappaani maqisoortoqarnerani timmisartoq talerpimmut sangulluni niffarlukunut unitsinneqarpoq.
Timmisartortartup saniatigut ataatsimik allamik ilaasoqarpoq. Tassani ajoqusertoqanngilaq.
