Inuiaqatigiinnik ilisimatusartoq: Nunaqarfiit inuerukkiartornerat politikkimik pissuteqarpoq
Nuna tamakkerlugu pilersaarummut nassuiaammi nutaami nunaqarfiit inuerukkiartornerat nunarsuarmi atugaasut tunngavigalugit pisutut oqaatigineqarpoq. Inuiaqatigiinnilli ilisimatusartup Birger Poppelip nassuiaat sakkortuumik isornartorsiorpaa, taama pisoqarneranut politikkikkut aaqqissuusseqqinnerit annertuumik pissutaatikkamigit.
I nuusuttut nunaqarfinnit mikinerusunit illoqarfimmut aallakaasarput ilinniariarlutik, nunaqarfiillu inuerukkiartorlutik, ineriartornerlu tamanna unitsinneqarsinnaanngitsutut isikkoqarluni. Illoqarfinni nunaqarfinnilu ineriartorneq isiginiarneqartillugu amerlanertigut taama oqartoqartarpoq.
Aviisi Sermitsiaq taama allaaserisaqarpoq.
Nunaqarfiit ataatsimeersuarnerat Nuummi maajimi ingerlanneqarmat peqataasunit inassutigineqartut aamma ilagaat »inuusuttut ilinniagaqareernermik kingorna nunaqarfimmut uternissamut ilinniakkaminnillu atuinissamut periarfissaqarnissaat.«
Nutsernerit
Nuna tamakkerlugu pilersaarummut nassuiaat maanna atuuttoq, Aningaasaqarnermut Naalakkersuisoqarfimmit suliarineqarsimasoq, nuna tamakkerlugu nutserarnermik qulaajaavoq.
Nuna tamakkerlugu pilersaarummut nassuiaat ukioq kingullermeersoq akerleriissutigineqartoq politikkikkullu oqaluuserineqalinnginnermini tunuartinneqartoq, nunatsinni nunaqarfinnik ineriartortitsinermi inassuteqaatinik pingaarnersiuinernillu imaqarpoq.
Aamma atuaruk: Illutik qimattarpaat – utinngisaannarlutillu
Inassuteqaatinik imaqanngitsoq
Nassuiaat maanna atuuttoq inassuteqaatinik imaqanngilaq, kisiannili ilaatigut »najugaqarfiit ilusaannik«, illoqarfinni nunaqarfinnilu assigiinngitsuni inunnik aningaasaqarnikkullu isumalluutinik qulaajaaviusoq, takutinneqarluni.
Taamaalilluni nassuiaat nutaaq aallaqqaammut apeqqutinik oqimaaatsunik soorlu nunaqarfinnik matooraanermut, inuuniarnermi atugassarititaasunik ajorseriarsimasunut politikkikkullu aaqqissuusseqqinnernut tunngasunik, avaqqutaarivoq, ineriartornerinnarmillu nassuiaalluni.
Nunaqarfiit inuerukkiartornerat pillugu allaaserisani arlalinni Sermitsiami atuakkit. Aviisi uani ataani pisiarisinnaavat:
