Norgemi Stavangerimi arnat assammik arsarlutik VM-imut peqataammata qaammatit marluk sinnerlugit ingerlareerput.

Maanna inuusuttut U18-it niviarsiaqqat assammik arsarlutik nunarsuarmi pissartanngorniunnissamut piareersarput. Pissartanngorniunnissaq Kinami ulluni 2024-mi aggustip aallaqqaataaniit aggustip 25-ata tungaanut pissaaq. Inuusuttut nunanut allanut unammisartut marsip arfineq-aappaaniit 15-iannut VM-imut sungiusarniarlutik katersuutissapput.

- Nivissat naapeqqinnissaannut, suliallu aallarteriikkatta ineriartortinnissaannut
qilanaarpunga. Matumani katersuunnissamut nutaartaqalaarput, taakku holdimut iserluarnissaannut sungiusartinneqassapput. VM-ip tungaanut sakkortuumik sungiusassaagut, tamatsinnummi anguniagaq annertoqaaq, nunanut allanut unammisartunut sungiusaasoq Victoria Budek Svendsen, assammik arsartartut kattuffiannit TAAK-imit tusagassiuutinut nalunaarummi, oqarpoq.

Unammisartut katersuunnermut peqataasussat ukuupput:

• Jaliina Lund Jakobsen GSS
• Ivaana Lennert Petersen GSS
• Niviaq Skifte Knudsen GSS
• Pinnaluk Olsen SAK
• Arsugaq Broberg GSS
• Najaaraq Heilmann GSS
• Tukummeq Berthelsen Ikast (GSS)
• Pilunnguaq Olsen Petersen FIF
• Bea Jensen GSS
• Hannah S. Petersen GSS
• Paarma Kreutzmann GSS
• Nadia Lundblad GSS
• Amaunalik Møller SAK (GSS)
• Kulunnguaq Kleist Grinsted
• Hannah Nielsen Kleist SAK
• Madeline Bjørnestad Furesø
• Malu Steenholdt Silkeborg (GSS)
• Kira Brandt GSS
• Najaaja Rossen Petersen GSS
• Ulla Johansen SAK