Nutaarsiassat kingulliit: 

Islandimi qaqqap innermik anitsisoq annikinnerusumik anitsilersimavoq.

Islandimi nutaarsiassaqartitsivik RÚV, Ritzaus Bureau naapertorlugu taama allappoq.

Islandimi ilisimatusarnermik suliaqartoq, Magnús Tumi Guðmundsson qaqqaq innermik anitsisoq qulaallugu marlunngornermi ullaakkut timmisartorsimavoq.

Taanna oqaluttuarpoq innermik anitsisoq suli annikillilinngitsoq, tamannali tupinnartuunngitsoq. Innermik anitsineq suli annertuvoq, lavalu aniasoq suli sisoorpoq.

- Innermik anitsineq aallartinneranit massakkut annikinnerulaalaarpoq, qaqqat innernik anitsisartunik ilisimatusartoq Ármann Höskuldsson Islandimiut tv-qarfianut oqarpoq.

Icelandic Department Of Civil Pr/AFP/Ritzau Scanpix

Silasiortoq Einar Sveinbjörnsson Islandimiut nutaarsiassaqartitsivianut Visirimut oqarpoq, innermik anitsisumit gasi aniasoq eqqarsaatigalugu anorip sammivia patajaalluinnartoq, ernumananngikkallartorlu. Þorlákshöfn tassaavoq innermik anitsisoqarfimmit illoqarfiit qaninnersaat. Anori aqagu avanna-kippasinnerussaaq, isumannaannerulluni.

Mange islændingene fik set jordskælvet på sikker afstand

Anton Brink/EPA/Ritzau Scanpix

Hjálmar Hallgrímsson Suðurnesj politiivineersoq Visirimut oqarpoq innermik anitsisoqalernera ajunngitsuusoq, pissutsit oqiliniassammata. Sumiiffik politiinit nakkutigineqartuarsimavoq, "kikkullu tamarmik mianersuinnavileqqasimallutik".

- Paasissutissat kingulliit tunngavigalugit naatsorsuutigaarput qaqqami qupineq 4 kilometerisut silitsigissasoq. Tamanna maanna nakkutigaarput lavallu ingerlaarfia aamma nakkutigalugu. Kikkut tamarmik mianersornissaat pingaaruteqarpoq,  Hjálmar Hallgrímsson nutaarsiassaqartitsivimmut oqarpoq.

Kristin Elisabet Gunnarsdottir/AFP/Ritzau Scanpix

Paasissutissat Visir-imit aaneqartut:

Lavap, kimmut illoqarfimmut Grindavíkurvégurimut anngussinaasup, qanoq ingerlanera ilisimatusartunit upalungaarsimasunillu nakkutigineqarpoq. 

Pissutsit immikkut illuinnarnerat pissutigalugit sukannersumik naalakkersuisoqalertoq innuttaasut illersornissaqarfiat nalunaaruteqarpoq. 

Qaqqap qupinera 4 kilometerisut silitsigisutut naatsorsorneqarpoq.

Suðurnesimi politiit nalunaarput Grindavíkimut aqqutit tamarmik aqagumiit ullut arlallit matoqqatinneqarallassasut, pissutsit nalilersorneqassammata.

GPS-imit nunallu sajunneranik uuttuisartut naapertorlugit naatsorsorneqarpoq innermik anitsisoq sakkukillilereersimasoq, tamannalu isumaqarsinnaavoq innermik anitsisoq maanna qajannarunnaalersoq.

Icelandic Coast Guard/AFP/Ritzau Scanpix