Isumaqatigiissut: Aalisarnermut inatsit naapeqatigiissutigineqarsinnaasumik suliarineqassaaq
Mittarfinnut suliaasut pilersaarutit allanngortinneqanngillat. Tasiilaq mittarfittaassaaq
Aalisarnermut inatsisissap naammassillugu suliarineqarnissaa Naalakkersuisuutitaqalersunit isumaqatigiissutigineqarpoq.
- Aalisarneq pillugu inatsisissap, sivisuumik attanneqarsinnaasup, Naalakkersuisooqatigiit susassaqartullu nunatsinni naapeqatigiissutigineqarsinnaasumik suliaqassapput, inuiaqatigiinni annertunerpaamik iluaqusiisumik. Tamatumani ilanngullugu inuusuttut aalisartut periarfissaat pitsaanerulersinniarlugit sinaakkusersor- neqassapput, isumaqatigiissummi atuarneqarsinnaavoq.
Inatsit taanna pillugu Siumup Inuit Ataqatigiinnik isumaqatiginninniarnera angusaqarfiunngitsumik kipineqarpoq. Qineqqusaarnermi Partii Naleraq aamma Siumumit isumaqatigineqanngilaq. Inatsisartuni suliassatut innersuussutigineqartoq malillugu Partii Naleqqamit taamatut isikkoqartillugu suliarineqarnissaa partiimit neriuutigineqarpoq. Siumut allatut isumaqarpoq, aaqqiisoqarnissaami neriuutigigamiuk.
Mittarfiit
Mittarfiliornissanik pilersaaruteqarnerit allanngortinneqannginnissaat isumaqatigiissutigineqarpoq.
- Avammut niuernermi nunatsinni mittarfiit anginerusut aamma nutaassat atorluarneqarnissaat naalakkersuisooqatigiit aqqutissiuunniarpaat, isumaqatigiissummi atuarneqarsinnaavoq.
Tassani suliarineqassapput:
- Angallannermi akit tamanit nammanneqarsinnaassapput.
- Qaqortup Narsallu akornanni piaarnerpaamik mittarfissaq sananeqassaaq.
- Tasiilami mittarfiliortoqassaq.
- llulissani mittarfissuaq pilersinneqassaaq.
- Nuummi mittarfissuaq pilersinneqassaaq.
- Uummannami, Qeqertarsuarmi, Qasigiannguani, Kangaatsiami, Narsami, Nanortalimmi
- Ittoqqortoormiinilu suluusalinnut mikinerusunik mittarfiliortoqarnissaanut periarfissat misissoqqissaarneqassapput
Isumalioqatigiissitaq
Tunngaviusumik inatsimmut isumalioqatigiissitaq pillugu allannguisoqassaaq. Inatsisartuni ilaasortaasut kisimik ilaasortaatitaqarnissaat aalajangiunneqarsimasoq allanngortinneqassaaq, tassami partiit aalajangersinnaalissavaat kikkut isumalioqatigiissitami ilaasortaassanersut.
- Partiit akunnerminni isumaqatigiissutigivaat iluarsartusseqqinnertigut sulissutigineqassasoq innuttaasut atugarisaasa pitsanngorsarnissaat aammalu minnerunngitsumik aningaasarsiornikkut siuariartortitsisoqarnissaa, taamaaliornikkut suliffissat nutaat pilersinneqarsinnaassammata sulisinnaasullu amerlanerusut sulilersinneqarlutik, isumaqatigiissummi atuarneqarsinnaavoq.
Læs hele sagen:
- Snævert flertal bag kommende koalition
- Koalitionsaftalen er underskrevet
- Se præsentationen af koalitionen her
- Nationalt kompromis om fiskerilov
- Naammagisimaarinnilluarpunga
- Jeg er meget tilfreds
- Siumumi isumaqatigiinninnerit unissimassasut neriuutigaarput
- Her bliver koalitionen præsenteret
- Naalakkersuisoqatigiit uani ilisartinneqarput
- Naalakkersuisut skal have ansvar for udenrigs- og sikkerhedspolitik
