Namminersorlutik Oqartussat Air Greenlandimi amerlanerussuteqalissaaq
Kalaallit Nunaata Danmarkillu isumaqatigiissutigaat Air Greenland A/S-imik piginnittuunerup katitigaanera allanngortinnissaa
Namminersorlutik Oqartussat Air Greenland A/S-imik piginneqataassutsit naalagaaffimmit pisiariniarpaat. Tamanna Lars Løkke Rasmussenip Kim Kielsenillu isumaqatigiissutaani allaqqavoq.
Taamaasilluni Namminersorlutik Oqartussat 62,5 procentimik Air Greenlandimik piginnittuulissaaq.
Namminersorlutik Oqartussat 37,5 procentimik piginnittuuvoq, Naalagaaffik 25 procentimik kiisalu sinneri 37,5 procentit SAS-mit pigineqarlutik.
Namminersorlutik Oqartussat Air Greenlandimut sunniuteqanngippallaarnera isornartorsiorneqartareerpoq, isumaqatigiissuteqartoqarnera tamanna allanngortinneqassaaq.
Kalaallit Nunaanni Vækstfondenalliartortitsinissamut sillimmasiisinnaaniassammat danskit naalakkersuisui inatsit allanngortinnissaanut sulissuteqassaaq, tamannami pingaartumik assersuutigalugu sanaartugassanut annertuunut aningaasaliinernut periarfissaqarluarmat. Naalagaaffik 180 million koruuninik væksfondimut aningaasaliissaaq.
- Naalagaaffiup inuussutissarsiornermi suleqatigiinnermut annertusisamut aningaasaliissuteqarluni tapiissuteqarnermut pissutaavoq illuatungeriit Air Greenland A/S-imik piginnittuunerup katitigaaneranik allanngortitsisoqarnissaanik isumaqatigiimmata, isumaqatigiissummi ilaatigut allaqqavoq.
Piginneqataassutsit pillugit Kim Kielsen aamma danskit aningaasaqarnermut ministeriat Kristian Jensen piginneqataassutsinut tunngatillugu isumaqatiginninniassapput.