Nunarsuarmi pissartanngorniunnerup nuannaarutaanera qaangiuttoq: Kattuffik millionit koruunit affaat sinnerlugit amigartooqqavoq
Assammik arsartartut kattuffiani nunarsuarmi pissartanngorniuttoqareernerani millionit koruunit affaai qaangilaarlugit amigartoortoqarpoq. Qaffasissumi timersornermut naalakkersuinikkut tapersersuisoqarnissaa siulittaasup ujartorpaa.
Ingasattajaarnerussagunanngilaq oqaraanni kalaallit tamangajalluinnarmik arnat assammik arsarlutik nunanut allanut unammisartut decembarimi nunarsuarmi pissartanngorniunnermi peqataammata isiginnaarsimassasut. Arnat isertitsineri tamarmik annaassinerilu nipituumik unnersiutigineqartarput – aamma naak nunanut allanut unammisartut ataasiarlutilluunniit ajugaanngikkaluartut. Nunarsuarmi pissartanngorniunnermi peqataaneq namminermini maluginiagassaavoq, ingammik eqqarsaatigigaanni kingullermik ukiut 22 matuma siornagut peqataasoqarsimasoq.
Unammiuaarnermili annertuumi peqataaneq akisoqaaq, Timersoqatigiiffiit Assammik Arsartut Kattuffiatalu TAAK maanna amigartoorut aaqqinniartussaavaa.
Taamak allaaserinnippoq aviisi Sermitsiaq.
Aningaasat: 600.000 koruunit missaat, TAAK-mi siulittaasoq Carsten Olsen Sermitsiamut oqarpoq.
– Maannakkorpiaq aningaasaqarnikkut annertuumik tatineqarpugut. Ilisimavarput nunarsuarmi pissartanngorniunnermi peqataaneq akisuujusoq, aningaasartuuterpassuummata.
– Kisitsisit naatsorsuleruttorpavut, maannangaarli ima isikkoqarpoq 600.000 koruuninik akiitsoqartugut, Carsten Olsen oqarpoq.
Allaaserisaq tamaat aviisimi Sermitsiami atuaruk.
