2019-mut aningaasaqanermut siunnersuummi 48 million koruunit atorneqarnissaat allaaserineqareerpoq. 

Demokraatinit tamanna akerlilerneqarpoq. Tamanna inuussutissanut aatsitassanullu ataatsimiititaliami ilaasortamit Randi Vestergaard Evaldsenimit (D) naqissuserneqarpoq.

- Uissuummitinneqartarnera naliginnaasumik nuannarisarpara - kisianni uissuumminartut milliuunilikkaanik akillit takorusunngilluinnarpakka, Randi Vestergaard Evaldsen tusagassiutinut nalunaarummi aallappoq.

Uuliasioqatigiiffiit soqutiginnilernissaat anguniarlugu 48 million koruunit atorlugit uuliamik ujaasisoqarnissaaq.

- Uissuumminaqateqanngilaq. Silaannarmiit tigusat 48 millioner koruunit Naalakkersuisut uuliasornermut aningaasaliissutigaat, Randi Vestergaard Evaldsen oqarpoq.

- Uissuumminartortaraa Naalakkersuisooqatigiit isumaqatigiissutaanni 350-nik imalinni uuliasiornissamut kissaateqarneq sunnguamilluunniit eqqaaneqarnikuunngimmat. Siullermik 2019-mut Aningaasanut Inatsisissatut siunnersuutip saqqummiutinnginnerani suliniut tamanna akisulluinnartumut kimulluunniit oqaatigineqarnikuunngilaq.

Alcoamut maanna suliamut uninngasumit aningaasanik aallertoqarsimanera aamma tupaallaatigaa.

- Nunarsuarmi akeqanngitsoqanngilaq.Suut tamarmik akeqarput, oqarpoq.

- Apeqqutaavorli issittumi najukkatsinni pissutsit Norgemut. Canadamut USA-mullu (Alaskamut) assersuunneqarsinnaanersut. Nunat taakku pingasut assigiissutigaat tamarmik uuliamik tunisassiortuugamik - uangulli naamik

- Taamaattumik Demokraatini akuerisinnaanngilarput uuliasiornissamut aningaasarpassuit immikkoortinneqarmata sualummik uppernarsaatissaqartinngikkallartillugu uuliasiorneq tunisassiornermik kinguneqassanersoq. Manna tikillugu tamanna Lottomi eqquiniaanerit akisunersaatut taasariaqarunarpoq. Aamma taamatut uuliasiorneq avatangiisinut qanoq kinguneqarsinnaanersoq naluarput. Suliami uani peqqutit akissutissaqartinneqanngitsut amerlavallaaqaat, Randi Vestergaard Evaldsen oqarpoq.