Timersortatut kalaallit Sverigemiittut: DM-imi unamminissaminnut piareeqqasut
Kalaallit sisoraatinik ujakkaarlutik unammisartut Sverigemi Danmarksmesterskabimut peqataanissaminnut piareerluinnarput.
Sverigemi kalaallit ujakkaarlutik oqilaniuttut takussaapput,
Sisimiormiut ujakkaarlutik unammisartut 30-it maannakkorpiaq Sverigemi Ulricehamnimiipput, DM-mut peqataaniarlutik angalanissarlu piviusunngortinniarlugu piffissaq nukiillu atorsimagaat, holdlederi Themona Kruse-Nielsen oqaluttuarpoq.
- Aalajangersimasunik tapiisartunik tapersersorteqarpugut, saniatigut meeqqat ulluanni aningaasanik katersisarpugut, taakkualu iluaqutaalluartarput. Taamaalilluni Sverigemut angalanissaq iluatsilluarpoq.
Ujaminnannissaq anguniakkani siullersaanngilaq
Sverigemi Ulricehamnimi DM-imi pissartanngorniunnerit januaarip ulluisa 31-anniit februaarip ulluisa sisamaannut pissapput.
Unammiartut nukarlersaat arfineq marlunnik ukioqarpoq, unammiartunilu utoqqaanersaat 49-nik ukioqarluni, taamaammat unammiat ukiuminnik assigiinngeqaat. Unammiat ullormi siullermermi enkeltstarterput, ujakkaartut ataasiakkaarlutik aallartarlutik. Ullup aappaani ullumikkut iligiikkaarlutik ujakkaarlutik unammipput. Meeqqat minnerit siulliullutik unammipput, meeqqat anginerit tulliullutik taavalu utoqqaanerumaat aallaqatigalugit. Kingulliullutillu inersimasut arnat kinguninngualu angutit unammissasut, Themona Kruse-Nielsen oqaluttuarpoq.
- Ujaminnannissaq pingaarnertut anguniagarinngilarput, pingaarnerpaavoq meeqqat nuannisarnissaat, kammalaatitaartornissaat siuariaatsiminnillu misiginissaat, taamaammat ujaminnannissaq siullertut anguniagaanngilaq, Themona Kruse-Nielsen holdleriusoq oqarpoq.
Nuummeersut NSP aamma NUP-eersut DM-imi pissartanngorniunnermut aamma peqataallutik Sverigemi Ulricehamnimiipput.