Toqutsinermit pinngitsuutinneqarnissani neriuutigaa
Vejlemi ukioq kingulleq toqutsisimasutut parnaarunneqarpoq angut 41-nik ukiulik. Pinngitsuutinneqarnissani neriuutigaa
Angut tyskeq 50-nik ukiulik ukioq kingulleq isumaqatigiinngitsoqareersoq toqutaavoq.
Tassani angut 41-nik kalaaleq toqutsisimasutut pasineqarpoq, qatanngutaa, kiisalu qatanngutaata ernera aamma toqutsisimasutut pasineqarput. Angut kalaaleq qatanngutaalu ukiuni arfinilinni parnaarussivimmiittussatut eqqartuunneqarput, angut inuusuttoq 22-nik ukiulik ukiut arfineq marluk parnaarussivimmiittussatut eqqartuunneqarluni.
Angut kalaaleq toqutsisimasutut pinngitsuutinneqarnissani angunialerpaa. Vejle Amts Folkeblad allappoq.
Pinngitsuuunini oqaatigiuartarpaa, inimi nipituumik nipilersortilluni ilagisai marluk angut igaffimmi toqussimagaat oqaatigisarlugu.
Kisianni kamippai toqutaasup timaani tilluusaqarnerarlugu pasilliinermi unnerluunneqarpoq, aamma toqusaasup aavanik kamippaani nassaartoqarpoq.
Tysklandimi immiaaqqat pisiarineqarsimasut isumaqatigiinngissutaammata toqutsisoqarpoq.
