Tusagassiortoq Demokraatit sinnerlugit qinigassanngortittoq
KNR-imi tusagassiortoq Apollo Jerimiassen qineqqusaarnerup nalaani sulinngiffeqarallarpoq
Qanoruumi tusagassiortoq, Apollo Jerimiassen, Demokraatini qineqqusaalerpoq.
Taamaalilluni qineqqusaarnerup nalaani KNR-imi atorfeqarnermini sulinngiffeqarallarluni. KNR nittartakkamini taama allappoq.
Apollo Jerimiassen tallimanngormat kingullermi Qanoruumi suleqataavoq.
Apollo Jerimiassenip sapaatip akunnerata aallartilaarnerani KNR-imutnalunaarutigaa, qinigassanngortissamaarluni. Illuatungeriit isumaqatigiissutigaat qineqqusaarnerup nalaani taanna sulinngiffeqarallassasoq.
Taassuma qinigassanngortinnera, Demokraatit pisortatigoortumik ullumi nalunaarutigaat.
Apollo Jeremiassen KNR-imi atorfeqarnermini qanoq ingerlaqqissanersoq qinersinerup kingorna aalajangerneqassasoq, KNR-ip nalunaarutigaa.
Ukioq kingulleq kommunalbestyrelsimut qinersisoqarnerani KNR-imi sulisoq alla qinqqusaaqataavoq. Tassa aliikkusersuilluni allaakaatitassiortartoq Hans Jukku Noahsen, IA sinnerlugu Kommuneqarfik Sermersuumi qinigassanngortissimalluni.