Akunnittarfinni unnuinerit ukioq manna 2. kvartalimi ukioq kingulleq piffissap taamaasinerani 4,3 procentimik ikileriaateqarsimapput.

Tamanna Naatsorsueqqissaartarfiup kisitsisaataani saqqummiunneqaqqammertumi kingullerni allassimavoq.

Kalaallit amerlanerusut

Unnuisut amerlanersaat Kalaallit Nunaanneersuupput, taakkulu 7,3 procentinik ikilisimasut nalunaarutigineqarsimapput aammalu unnuisut nunanit allaneersut (danskit ilanngullugit, aaqq.) 16,3 procentinik ikilisimapput.

Ilulissat takornarianit nuannarineqarluartoq 2. kvartalip ingerlanerani 19,11 procentimik ikilisimapput. Kommuneqarfiit pingaarnersaanni kangiani kitaanilu 2017-imut sanillersuullugu 17,99 procentimik 4,24 procentimillu kisimik siuariaateqarfiupput.

Kommune Kujalleq eqqornerlunneqartoq

Kommune Kujallermi unnuisut 30 procentinik ikileriaateqarlutik eqqungaanersaapput.

Naatsorsuinermilu nuannersortaraa, akunnittarfinni unnuisut ulluni 2,5-iniit 2,6-inut amerleriaateqarsimammata.

Aamma allassimavoq, ingammik tyskit kisianni aamma italiamiut, franskit, amerikamiut norskillu piffissami pineqartumi unnuinerat amerleriaateqarsimanerat.

Kingusinnerusukkut nassuiaatissarsineqassasoq

Kinguaateqarneq Visit Greenlandip Naatsorsueqqissaartarfiup kisitsisaataanik misissueqqaarnissaq pissutigalugu suli nassuiaatissaqartinngilaat.