Angut savimmik sioorasaarisutut tigusarineqartoq
Marlunngornerup unnuaani angut Nuummi siorasaarisimasutut tigusarineqarpoq.
Marlunngornerup unnuaani nalunaaqutaq 02.30 missaani politiit Nuup qeqqani pisumut ornigupput.
Pisumut tamatumunnga atatillugu angut 40-t sinnerlugit ukiulik angummik allamik savimmik sioorasaarisimammat tigusarineqarpoq.
Taama pigaartut pisortaat Malik Olesen Sermitsiaq.AG-mut oqarpoq.
- Inunnik ajoqusertoqanngilaq, pigaartut pisortaat itisiliivoq.
Tigusaasimasoq killisiorneqareerpat iperagaanissaa naatsorsuutigineqarpoq.