Nuuk Snow Fest Nuummi Nuup Saavani aallartippoq, tusagassiivimmiillu assiliisoq sisamanngormat alakkaammat apummik ilusilersuineq aallartilluareerpoq

- Nuannaarluta seqinnarissumilu aallartilluarpugut, Nuuk Snow Festimi suliniummik aqutsisoq Alberte Parnuuna Sermitsiaq.AG-mut oqaluttuarpoq.

Siorna festivalertoqarnerani aatsaat taama kiatsigaaq, ukioq mannalu sila aamma akornutaaqqippoq.

Tallimanngornermi ullaakkut Nuummi siallermat anorersuarmallu festivalertoqarsinnaanngilaq, Nuummili silassaq naapertorlugu kingusinnerusukkut nittaallassaaq issillunilu.

118-it apummik ilusilersuisut

- Aqqanernut ammarnissaq anguniagaraarput, tamannali nalilersortuassavarput, inuillu attaveqaqatigiittarfii aqqutigalugit nalunaarutigissavarput, Alberte Parnuuna oqarpoq.

Arfininngorpat silaginnerussangatinneqarluni nipilersornermik allanillu sammisaqartitsisoqassaaq.

Alberta Parnuuna oqaluttuarpoq inuit 118-it holdinut 16-inut agguataarsimasut apummik ilusilersukkamik pitsaanerpaaliorniarlutik unamminermi peqataasut.

- Nukarliit 8. klassimi atuarput. Ajugaasut sapaammi toqqarneqassapput, tassanilu isiginnaartut nalunaaqutaq 12.00-mit 13.00-ip tungaanut ilusilersukkat taasiffigisinnaavaat.

Nutaarsiassat

Isuliffimmi sanaartorfissanik sanaartorfigineqariaannanngortunik nalunaarutiginninneq

Kommuneqarfik Sermersuup nalunaarutigaa Isuliffimmi Qinngutsinniittumi nunaminertanik inuussutissarsiornermut atugassanik qinnuteqarnissamut maanna periarfissaalersoq.

Uku pineqarput:...

Aningaasaqarnermut Inuussutissarsiornermullu Ataatsimiititap ataatsimiinnissaa kinguartinneqarpoq

Aningaasaqarnermut Inuussutissarsiornermullu Ataatsimiititap ataatsimiinnissaa apriilip ulluisa 30-anni pisussaagaluartoq kinguartinneqarpoq. Ataatsimiinnissap ullormut allamut nuutinnissaa...