Sapaatit akunnerani matumani Aningaa­ saqarnermut Naalakkersuisup 2018­imut Aningaasat pillugit inatsisissatut siunnersuut sukatigaq saqqummiutissavaa. Tassani periarfissiisoqanngilaq, tassami 2018­imit 2021­ip tungaanut inatsit atuut­ tussaq taamaallaat 400.000 koruuninik sinneqartoornissamik takutitsimmat. Ta­manna allanngortinniaraanni imatorsuaq iliortoqartariaqanngilaq. 

Sermitsiaq allappoq.

Taamaattumik taamatut oqimaaqatigiis­sitsinissamik kissaateqarneq anguniarlugu isertitassanut sillimmataatit ukiumut 50 millioner koruunit missingersuutigineqar­nerat soqutiginaateqarpoq. Sillimmataatit taakku aalisarnermi pisuussutinik akileraarnerusalernermik kinguneqassapput. Tassa imaappoq aalisarnermi nalorninartumi Nunatta Karsia isertitanik amerlanerusunik ilioraaffigineqarsinnaasoq. 

Nalorninartoq alla tassaavoq aaqqissuus­seqqinnerit kingunerisassaannik 2018­mit 2019­ip tungaanut isertitatut amerlanerusu­tut isikkoqartutut ittunik amerleriarujus­suartunillu ilanngullugit naatsorsuinissat, naak aaqqissuusseqqinnissat tamakku iluaqutaasinnaanersut ilisimanngikkaluarivut naatsorsorsimanngikkaluarivullu. 

Tamakku tassaapput ernianik ilanngaati­niit akileraarutinut amerlisanut siunnerfe­qarluartumik inissiarsinissamut taarsigas­sarsiat erniaannut tapiissutinngortillugit aamma aningaasanit iluanaarutinit amerla­ nerusunik akileraarusersuisalerluni allan­ngortitat, tassunga ilanngullugit papilissa­nik nalilinnit iluanaarutit amerlanerusunik akileraaruserneqartalernerat. 

Inatsisissatut siunnersuutit maannakkut ataatsimiinnermi siullermeerneqarnissaat naatsorsuutigineqarpoq, tassami piffissaq tusarniaaffiusoq pissutigalugu akissuteqaa­tit akissuteqarnissamut killissarititaasup qaangiunnerani aatsaat Inatsisartunut tunniunneqarsinnaammata. 

Kisianni soqutiginartua tassaavoq naak aalisarnermi tunngavissat allanngortinne­qaraluarpataluunniit aalisarnermit isertitat ukiuni missingersuusiorfiusuni maannak­kut killiliussat malillugit naatsorsorneqar­tarnerat. Kisianni allannguinerni aningaa­sartuutit ilanngunneqanngillat imaluunniit allannguinerit isertitanik sunniuteqassaner­sut ilanngunneqanngillat. 

– Aningaasatigut kingunerisassat Naalak­kersuisut kingusinnerusukkut isummerfigissavaat aamma pisariaqassappat aningaa­sat pillugit inatsisissatut siunnersuutit allannguutissaattut siunnersuutit saqqum­miukkumaaraat Aningaasaqarnermut Naalakkersuisoq paasissutissiivoq. 

Aningaasanut inatsit pillugu allaaserisaq Sermitsiami tamakkerlugu atuaruk:

Sermitsiaq Uge 39 2017

Klik her for at læse