Kalaallit futsalertartut ataasinngormat Arctic Winter Gamesimi tallimariarlutik unammipput.

Unamminermi siullermi nukappiaqqat angajulliit Yukonimut unammipput. Unamminermi kalaallit marloriarlutik siuarsimangaluarput, unamminerulli naammassinerani tamarmik marloraarlutik isertitaqarlutik unammisut naligiipput. Kalaallini isertitsisut tassaapput  William Gatzhorn aammalu Niklas Kleist.

Taakku ullumi ualisoq aappassaanik unammipput. Tassani unammisartoqatigiit Nunavut 8-0-mik ajorsartippaa. Unamminermi Brian Bernhardsen, William Gazhorn, Niklas Kleist  Niklas Johansenilu tamarmik ataatsimik isertitaqarput Rene Thomsen aamma Nick Johansen marlunnik isertitaqarlutik.

Unammisartoq pikkorilluinnartoq arfineq-pingasunik isertitaqartoq

Niviarsiaqqat nukarliit ullormi tassani ajugaanerpaapput. Taakku Yukonimut 10-1-mik ajugaaffigaat. Asii Berthelsen unamminermi arfineq-pingasunik isertitaqarluni arsalualaavippoq. Aili Platou aamma Karla Mørch ataatsimik isertitaqarput.

Kalaallit nukappiaqqat nukarlersaat Albertamut unammigamik ajugaallualaavipput. Unamminermi Malik Weiss, Aiko Nielsen aamma Romeo Blidorf ataatsimik isertitaqarput, aqutsisualli Nemo Thomsen marlunnik isertitaqarluni.

Niviarsiaqqat angajulliit Yukon 4-1-mik ajugaaffigaat. Unamminermi Emma Thomsen, Ungaaq Amondsen, Lis Eriksen kiisalu Laakki Mølgaard isertitsipput.

Ullumi marlunngornermi arlallit unammissapput. Unamminissat tamaasa uani takusinnaavatit