Innaarsunni innuttaasut, minnerunngitsumillu meeqqat atuartut nunaqarfimmi atuarfiup nutaamik illutassaqalernera nuannaarutigisinnaavaat. 

Illu atuarfiusoq atorneqalereerpoq, tamannalu nunaqarfimmi ilinniartitsisuusunut nuannaarutaalluni, Avannaata Kommunia taama nalunaaruteqarpoq, Atuarfiulllu Pisortaa nuannaaarluni Pia Kristensen ima oqarpoq: 

-Atuarfik nutaaq nuannaarutigeqaara, neriuppungalu maani suliffissarsiornissaq orniginarnerulersoq, atuarfiup pisortaa taama oqarpoq. 

Atuarfik nutaaq ateqarpoq Innaarsunni atuarfik, atuartunillu 1.9.-klassertunik atuartoqarsinnaalluni. Decembarillu 13.-ani 2023-mi atoqqaarfissiortinneqarpoq, tassanilu atuartut sisamat allunaasaq aappaluttoq ammaanersiornermi qiorlugu. 

- Nunaqarfinni atugassarititaasut pitsaasut pingaaruteqarput

- Pingaartorujussuuvoq pilerinartunik atuarfeqarnissaq, aamma nunaqarfinni, taamaalillutik nunaqarfimmiut nunaqarfimminni najugaqaannarusunniassammata. Taamaattumik nuannaartorujussuuvugut atuarfik maanna piareermat, taamaalilluta atuartunut ilinniartitsisunullu avatangiisit kajungernartut neqeroorutigisinnaalerlutigit,” taamatut oqarpoq Avannaata Kommuniani Inerisaanermut Ataatsimiititaliami siulittaasoq Lena Ravn Davidsen 

Ullumikkut atuarfimmi ilinniartitsisut ilinniarsimasut marluk sulipput, taamatuttaaq timelæri ataaseq sulilluni, aammalu ilinniartitsisunngorniaq nunagisani qimannagu ilinniartoq sulilluni. 

Kommunalbestyrelsip 2020-mi atuarfittaassap aningaasalerneqarnissaa akuersissutigivaa, ukiunilu kingullerni 17 millioni koruunit atorneqarput. 

Innaarsunni atuarfitoqaq naalagiartarfittut suli atorneqassaaq.