IA: Demokraatit imigassamut inatsisip atorunnaarsinnissaanut siunnersuuteqarnerminni uniuisut
Imigassamut inatsisip inuit imigassamik ajornartorsiuteqartut iluaquserai, Jesper Labansen isumaqarpoq.
Demokraatit imigassamut inatsisip atorunnaarsinneqarnissaanik siunnersuuteqarnerat Jesper Labansenip (IA) sakkortuumik isornartorsiorpai.
- Ajornartorsiutinut allanut pingaaruteqartunut Demokraatit nukiminnik atuiniannginnerat nikallornarpoq, taanna tusagassiuutinut nalunaarummi allappoq.
Inatsit inunnut peqqinnartumikimigassamik atuisunut annerusumik isumaqanngitsoq, taanna isumaqarpoq.
- Illuanik inatsit nutaaq inunnut imigassamik atornerluinermit aniguiniarlutik ilungersuuteqartunut annertuumik kiffaanngissuseqalersitsivoq.
- Asasara Randi, tulliani saagut tunuannut imigassamik aallileruit, innuttaaqatinnut immaqa nakkaqqasumut pitsaasumik iliorlutit eqqarsaatigissagit siunnersuutigissavara, tassa imerajuttut imigassanik takullutik imerusulersimasut ilaat.
- Peqqissutsimut naalakkersuisoq inatsimmik taassuminnga suliaqarsimasoq, imerajuttunit imerunnaarsimasunit aqqusinermi qujaffigineqarsimavoq. Tamanna Demokraatinut paasititsisariaqannginnami?
