Ikuallatsitsisimasutut eqqartuunneqartoq
Angut 32-nik ukiulik ikuallatsitsisimasutut tallimanngornermi eqqartuunneqarpoq, kisianni toqutseriarsimasutut pinngitsuutinneqarpoq, KNR taama allaaserisaqarpoq.
Eqqartuussisoqarfik Sermersooq sapaatip-akunnerani matumani suliaqarpoq, tassani angut 32-nik ukiulik inissiami piaaraluni ikuallatsitsisimasutut aamma pisumut atatillugu arnamik toqutseriarsimasutut unnerluutigineqarpoq. Pisoq apriilip 27-anni 2023-mi pivoq.
Angut piaaraluni ikuallatsitsimasutut inissiaqarfimmilu inunnut allanut navianartorsiortitsisimasutut tallimanngornermi ualikkut eqqartuunneqarpoq. Angulli toqutseriarsimasutut pinngitsuutinneqarpoq.
KNR taama allaaserisaqarpoq.
Angut inissiaatileqatigiiffimmut 765.000 koruuninik taarsiisussanngortinneqarpoq, aamma katsorsarneqartussatut eqqartuunneqarpoq, tassa angut katsorsarneqarnissaminik pisariaqartitsisoq nakorsanit nalilerneqassaguni tarnikkut napparsimasunut immikkoortortaqarfimmut unitsinneqarsinnaavoq, KNR oqaluttuarpoq.
32-nik ukiulik upernaakkut 2023-mili pisup kingorna tigummigallarneqalerpoq, eqqartuunneqarnermilu kingorna iperagaavoq.
