Ikuallatsitsisimasutut pasineqartoq suli qimaaqqasoq
Ikuallatsitsisimasutut pasineqartoq, Niels Corneliusarson, marlunngornermi unnukkut Nuummi pinerluuteqartut inissiisarfiannit qimaasoq, suli tigusarineqanngilaq.
22-nik ukiulik tigummigallarneqartoq, Niels Corneliusarson, Nuummi politiit suli ujarpaat.
Sillimasoq Jan Geisler, tallimanngornermi tusagassiuutinut taama nalunaaruteqarpoq.
Uani sapaatip-akunnerani marlunngormat Niels Corneliusarson Nuummi pinerluuteqartut inissiisarfiannit qimaavoq.
- Niels Corneliusarsoq angutitut qallunaarpasittutut nassuiaatigineqarpoq
- 190-195 cm-it missaanni angissuseqartoq nalinginnaasumillu timeqarluni.
- Kingullermik takuneqarami tujuuluk nasalik qernertoq aammalu qarliit tungujortut atorpai.
- Qallunaatut savalimmiormiorpaluttumik oqaluppoq.
Niels Corneliusarson ikuallatsitsisimasutut pasineqarpoq tigummigallagaallunilu.
Niels Corneliusarsonimik takunnissimasinnaasut sumiinneranilluunniit ilisimannissinnaasut qinnuigineqarput Sermersuumi Politiinut, Aqutsisoqarfik Nuuk, telefonimut 701448-mut attaveqaqqullugit.
Politiit aammattaaq erseqqissaatigissavaat, tigummigallagaasumik imaluunniit pineqaatissinneqarsimasumik qimaasimasumik isertuussigaanni Pinerluttulerinermik inatsit malillugu pineqaatissiissutigineqarsinnaammat, taamaalillunilu inissiisarfimmiittussanngortitaanermik kinguneqarsinnaammat.
