Naalagaaffinngornissamut Nunanullu Allanut Naalakkersuisoq Vivian Motzfeldt illersornissamut ministerimit Troels Lund Poulsenimit tikeraarneqassaaq, tassungalu atatillugu Nuummi innuttaasut pingasunngorpat katersortarfimmut ataatsimiigiaqquneqarput.

Illersornissamut isumaqatigiissutissaq taassumalu nunatsinnut issittumullu sunniutissai innuttaasunik ataatsimiititsinermi oqallisigineqassapput, kikkullu tamarmik tikilluaqqusaapput. Ataatsimiinneq nalunaaqutaq 16.30-mit 18.00-ip tungaanut ingerlanneqassaaq, kaffeqarlunilu teeqassalluni.

Nutserisoqassasoq

- Issittumi illersornissaq pillugu politikimik ineriartornerup ingerlarnga pillugu nunatsinnut periarfissaasinnaasut eqqarsaatigalugit Nuummi innuttaasut isumaat Naalakkersuisup ministerillu tusarusuppaat, Vivian Motzfeldt qaaqqusinermini allappoq.

Vivian Motzfeldt tikilluaqqusereerpat Venstrep siulittaasua illersornissamullu ministeri Troels Lund Poulsen oqalugiassaaq, tamatumalu kingorna apeqquteqartoqarsinnaassaaq.

- Kikkut tamarmik tikilluaqqusaapput – nutserisoqarumaarpoq, qaaqqusissummi allassimavoq.