Kim Kielsenip Naalakkersuisunut siulittaasuuginnarnissani anguniarlugu Naalakkersuisooqatigiinnissamik isumaqatiginninnialerpoq.

Tassami Inuit Ataqatigiit aamma Demokraatit tamarmik immikkut isumaqatiginninniarfigineqassapput tallimanngornerup ullaata tungaani. Isumaqatiginninniarnerit nalunaaqutaq 09.00 aallartissapput.

Siumup isumaqatiginninniutissai partiinut taakkununnga sapaatip akunnerata siuliani nassiunneqarput. 

Naalakkersuisooqatigiit amerlanerussuteqassappata Siumup Demokraatit imaluunniit Inuit Ataqatigiit suleqatigilertariaqarpai.

Isumaqatiginninniarnerit qanoq ingerlassanersut oqaatigiuminaappoq. IA Siumumik suleqateqalernissi orniginartippasinngilaa.

Niels Thomsen isumaqatiginninniarnissat pillugit oqaaseqanngingajaavinnikuuvoq. Akileraartarnikkut annikillisaanissaq upernaaq Demokraatinit isumaqatiginninniutigineqarpoq, tunngaviusumik inatsisissaq pillugu isumalioqatigiissitap atorunnaarsinneqarnissaa, ilinniartitaanermut politikki, perorsaasut akissarsiaqarnerulernissaallu aamma pingaartillugit isumaqatiginninniutigalugit. Siumumit piumasaqaataasut peqataaffigineqanngillat.

Atassutip aamma Nunatta Qinortaasa Naalakkersuisooqatigiinni ataannarnissaa Siumumit kissaatigineqartoq partiimit oqariartuuteqareerpoq.