Ministeri: Aaqqissuussaanermi ammip qalipaataa tunngavigalugu nikaginnittoqarnera ilungersunarpoq
Qallunaat naalakkersuisuisa ammip qalipaataanik immikkoortitsisoqarneranut akiuiniarluni pilersaarusiaa aasaru sulinngiffeqarnissaq sioqqullugu saqqummersinneqarnissaa naatsorsuutigineqarpoq. Ministeri Kaare Dybvad Bek tallimanngormat isumasioqatigiinnermi taama neriorsuivoq, Pissaanermi naligiinngittoqarnera ammip qalipaataanik immikkoortitsisoqartarneranut tapersiisoq ilanngullugu oqaatigalugu.
Naak ammip qalipaataa tunngavigalugu nikassaasarneq akiorniarlugu iliusissiamut Socialdemokratit naalakkersuisui Folketingimilu partiit arlallit ukiut marluk matuma siorna aningaasanik illikartitsissallutik aalajangeraluartut taanna suli suliarineqanngilaq.
Suli suliarineqannginnera pissutigalugu Inuit Ataqatigiinneersup Aaja Chemnitzip aamma Folketingimi ilaasortat Alternativetimeersut Nunanut Allanut aamma Nunat Allamiunut Akuutitsinermut Ministerimik Kaare Dybvad Bekimik isumasioqatigiinnissaanik aggersarpaat.
Taamak allaaserinnippoq aviisi Sermitsiaq.
Kalaallinut Danmarkimi immikkoortitsisoqartarnera Kalaallit Nunaata Danmarkillu oqaluttuarisaaneranit ingerlariaqqinneq ajulernermeersoq ministerip ilanngullugu oqaatigaa.
– Danmarkimi ammip qalipaataa tunngavigalugu nikassaasarnermi tamanna aamma immikkut malunnartarpoq, taamaammat periusissiami pilersaarummi aalajangersimasumik iliusissat saniatigut isummat pigiliutiinnakkat immikkoortitsisoqartarneralu tunngavissaqarnerusumik oqallisigineqarsinnaalernissaannik peqalissasoq, ministeri oqarpoq.
Allaaserisaq tamaat aviisimi Sermitsiami atuaruk.
