Siumup siulittaasua Kim Kielsen KNR-imut oqaluttuarpoq, partiimi taavalu Partii Naleqqap, Atassutip aamma Nunatta Qitornaasa naalakkersuisoqatigiinnisssamik isumaqatigiinniarnerat pillugu nalunaaruteqarnissaq qanilliartortoq.

Naalakkersuisooqatigiilersussat tusagassiortunik katersortitsinermi saqqummiunneqassasut ilimagineqarpoq.

Naalakkersuisooqatigiinnissamut atatillugu partiit suleqataalersussat saqqummiuuffigineqarput ippassaq. Partiit imminnut oqaloqatigeereerpata partiit ataatsimeeqatigeeqqissaapput, arlaannillu pisoqanngippat Naalakkersuisooqatigiilersussat saqqummiunneqassallutik.

Tusagassiortunik katersortitsinissaq qaqagu pissanersoq suli aalajangerneqanngilaq.