Naammagittaalliuut: Statens Kunstfondimit immikkoortitsisoqarpoq
Homo Sapiennemik atuakkiortoq Nunatsinni najugaqarnini pissutigalugu suliamut tunngasumik tapiiffigineqarnissaminut itigartinneqarpoq. Tamanna tupigusuutigaa, tassami Nuummi adresseqarnera tapiisartunut ataatsimiititaliamit ukiut marluk matuma siornagut ajornartorsiutitut isigineqanngikkaluarmat
Niviaq Korneliussen immaqa aatsaat taama oqallisigineqartigisumik kalaallisut atuakkamik Homo Sapiennemik 2014-imi atuakkiortoq, Statens Kunstfondimit suliamut tunngasumik tapiiffigineqarnissaminik qinnuteqaamminik itigartitaanini naammagittaalliuutiginiarlugu aalajangersimavoq.
Imaanngitsoq tapiiffigineqartariaqartutut imminut isumaqarfigigami, tunngavilersuutigineqartulli tamatumunnga pissutaapput. Tunngavilersuutigineqarmammi kalaallit eqqumiitsuliortut atuakkiortullu taamaallaat Danmarkimi najugaqartut qinnuteqaateqarsinnaatitaasut, tassami kulturimut tunngasut Kalaallit Nunaata 1980-imili angerlaatereermagit.
Oqaatsit sakkortuut
- Nalunngilara taama oqassalluni sakkortugaluartoq, isumaqarpungali tamanna immikkoortitsinerusoq. Eqqarsaatigigaanni Danmarkimut innuttaassuseqartunga aamma suliannut atatillugu Statens Kunstfondimit 2016-imi ajornartorsiutitaqanngitsumik tapiiffigineqareersunga, naak Kalaallit Nunaanni najugaqaraluarlunga, tunngavilersuutigisaat isumaqannginnami, Niviaq Korneliussen oqarpoq.
Taassuma innersuussutigaa Statens Kunsfondip nittartagaani Kalaallit Nunaanni najugaqarnissamik allassimasoqanngimmat – aningaasalli tapiissutigineqartut nunani allani kontoqartumut tunniunneqarsinnaapput.
Allaaserisaq AG aviisimi tamaat atuaruk. Aviisi uani pisiassaavoq:
