Nivep saqqummersitaa Amerika avannarlermi saqqummissaaq
Amerika avannarlermi nipilersornermik nuannarisallit aqagumiit Nive Nielsenip saqqummersitaa kingulleq 'Feet First' tusarnaarsinnaalissavaat.
Saqqummersitaq kingulleq 'Nive and the Deer Children' aqagu Amerika avannarlermi saqqummissaaq. Tamanna Nive Nielsenip Facebookimini oqaluttuaraa.
Saqqummersitaq 'Feet First'-imik atserneqarsimasoq Amerika avannarlermi Spotify, Apple Music og Google Play Music aqqutigalugit pisiarineqarsinnaalissaaq.
- Sumiiffimmi nuannarinnitseqarfitsinni nipilersuusiatta saqquminerulernera NUANNAARUTIGEQAARPUT, Nive Nielsen Facebookimini allappoq, allamillu ilaqumaarnera ilimasaarutigalugu.
Erinarsortartup naartusup taallanik nutaanik suliaqarnini aamma oqaluttuaraa.
- Erinarsuummik nutaamik immiussivugut, qaratsat pingasut ataatsimiik pitsaanerugunarput, taanna marlulissanik naartulluni oqaluttuarpoq.
Aamma atuakkit:
Ridley Scottip tv-mi nangeqattaartuliaani Nive Nielsen inuttaassaaq
