Juunip 3-anni atisanik takutitsisartut Toronto Indigenous Fashion Weekimi takutitsilerunik, ilaasa Nuuk Couturemit atisaliat takutissavaat.

Tassami atisanik ilusilersuisartoq Louise Lynge Berthelsen, meqqiutiminik Torontomi sapaatip-akunnerani atisanik saqqummersitsinermi peqataassaaq, tamanna maajip 31-annit juunip 3-annut pissaaq. Saqqummersitsiveqarnerup saniatigut Nuuk Couture aamma Indigenous Fashion Weekip takutitsinerinit sisamaasunit ataatsimut peqataassaaq.

Nuuk Couturep takutitsineq peqataaffigisassaa ‘Frost Moon’-imik taaguuteqarpoq, tassanilu Nunavumit nunap inoqqaavisa atisaliortartuinik takutitsiffiussalluni. Aaqqissuisut atisat ukioq puisip amiinik, qalipaatigissaartumik aamma saanertaqartumik oqaatigaat.

Amerlasoorpassuit akornanni peqataasussatut toqqarneqarsimalluni, Louise Lynge Berthelsen oqaluttuarpoq. Taamaalillunilu aamma atisanik saqqummersitsinermi nunani allani atisaliaminik takutitsisuni siullersaavoq.

- Oqaaseq najoqqutatut atortagara "Sapinngilagut" naapertorlugu tassani oqariartuutigaara, taanna nalunaarummini allappoq.