Paamiuni Royal Greenlandip fabriakkianut qaleralinnik tunisinerit 2015-imi 2016-imilu ukiumut 120 tons missaanniipput, 2017imilu marloriaatinngajaat tunineqarput sulilu ineriartorlutik, fabrikkimi pisortaq Jan Jørgensen oqarpoq. 

- Ukiunim 2016-imiit 2017imut ineriartortoqapiloorpoq, tassani aalisartunit 230 tonnesit tunineqarput, tassa siornanit tunisat marloriaatinngungajallutik, 2017imiillu ineriartorusaarput, ukiup matuma aallartinneraniit maannamut 110 tonnesit tunineqareerput, tunineqartartullu taamaasillutik ameriartorusaarput, fabrikkimi pisortaq Jan Jørgensen oqarpoq nassuiaallunilu fabrikkimi assangiarsuit aamma saarulliit tunisassiarineqartartut.

Paamiuni ukiut arlalialunnguit matuma siorna qaleralinniartoqanngikkaluarpoq, aalisartoq Peter Aage Petersen Ukkusissani ukiuni 20-ni najugaqarsinnarluni Paamiunut 2008imi uterpoq, tamaanilu saarullinniarneq ingerlappaa taamanilu qaleralinniartoqanngilaq. 

-Silattorpugulli 6190-ikkuni qaleralinniartoqartoq, taavalu qassusersortuerunnikuugami, qassutinik piniarneqarnikuunnginnamik qalerallit 80kkunnitut, Paamiuni aalisartut piniartullu peqatigiiffianni siulittaasoq Niels Lorenzen qaleralinniartuerunnera pillugu oqarpoq.

Saarullinniarnermi piisatsimmat aalisartup Peter Aage Petersenip misiliinnarlugu qaleralinnik ningittakkanik ningitsivoq. 

Allaaserineqartoq aviisimi Sermitsiami, sapaatip akunnerani matumani saqqummersumi, atuarneqarsinnaavoq. Aviisi uani pisiariuk:

Sermitsiaq Uge 31 2018

Klik her for at læse