Qinersinermi allannguisinnaasoq: Niels Thomsen politikkikkut sulinermut uteqqippoq
Halibut Greenlandimi pisortaq, Niels Thomsen, Demokraatit tunuliaqutaralugit qinigassanngortippoq. Inatsisartunut qinersinermut sassartoq, partii ilisimatitsivoq.
Apriilip 24-anni Inatsisartunut qinersinermut pisussamut, Niels Thomsen qinigassanngortittoq maanna nalunaarutigineqarpoq.
Taamaalilluni politikkimut uteqqippoq. Taanna 2009-mit 2011-mut Demokraatit tunuliaqutaralugit Inatsisartunut ilaasortaanikuuvoq.
- Demokraatit tunuliaqutaralugit qinigassanngortinnissaat piffissami sivisuumi pilersaarutaasimavoq. Qinigassanngortinnerata saqqummiutinnginnerani ullup qinersiffiusussap aalajangiunneqarnissaa utaqqeqqaarsimavarput, Demokraatini siulittaasoq Randi Vestergaard Evaldsen, Sermitsiaq.AG-mut oqarpoq.
Atuaruk: Qinersinermi allannguisinnaasoq: Niels Thomsen qinigassanngorteratarsinnaasoq
Aalajangiusimasoq akisussaassuseqartorlu
Niels Thomsen inuk nukittuutut taassuma oqaatigaa.
- Inuussutissarsiornermik annertuumik ilisimasaqarpoq, inuk aalajangiusimasuullunilu akisussaassuseqartuuvoq, oqallinnermik aallartitsisinnaasoq. Demokraatini annertuumik sunniuteqartussaavoq, Randi Vestergaard Evaldsen oqarpoq.
Niels Thomsen administrationimi kandidatitut Ilisimatusarfimmi ilinniagaqarpoq. Ulluinnarni tunisassiorfimmi Halibut Greenlandimi pisortaaneruvoq, sapaatip-akunnerani kingullermi KNI-mi siulersuisuni siulittaasutut tunuarpoq.
2009-imi Inatsisartunut qinersinermi 762-nit taaguunneqarpoq.
Niels Thomsenip oqaaseqartinniarnera iluatsissinnaasimanngilarput.
Demokraatit Niels Thomsenip qineqqusaarneranut atatillugu videoliaat uani takuuk: