Kalaallit aalisartut imaani ajornartoornerminni qulimiguulimmik annaanniarneqarnerminni annaanneqarnissartik aamma ernummatigisalissavaat? Apeqqut tamanna siunissami qanittumi apeqqutigineqartalersinnaavoq, tassa Illersornissamut oqartussat suliffeqarfimmik ukiortaamiit qulimiguulinnik ujaasinerni annaassiniarnernilu atuisussatut akisussaasumik toqqaappata.

Air Greenland ujaasinernut annaassiniarnernullu isumaqatigiissummik maannamut isumaginnittuuvoq, Illersornissamulli oqartussat suliariumannittussarsiuussinerup kingorna, kikkunnit tamanna isumagineqassanersoq qanittukkut aalajangiiffi gissavaat. Suliffeqarfiit arlallit nunanit allaneersut neqerooruteqareerput, suliariumannittussarsiuussinermilu neqeroorutigineqartuni Super Pumap taama isumaginnittunngorsinnaanera mattunneqanngilaq.

Super Puma itigartitsissutiginngikkaa

Danmarkimi internetikkut aviisi Altinget qanittukkut allaaserisaqarpoq, Air Greenlandip ujaasinermut annaassiniarnermullu isumaqatigiissut isumagisussanngoqqissagaluaruniuk Super Pumamik atuilernissani pilersaarutigigaa. Air Greenlandimi niuernermut pisortap Maliina Abelsenip paasissutissaq tamanna ilumuunngitsutut oqaatiginngilaa:

- Neqeroorutitta imaa oqaaseqarfigissanngilarput, aallaavigisarpulli tassaalluni Nunatsinni ujaasinermik annaassiniarnermillu ukiorpassuarnik misilittagaqarnerput tamatumani suliariumannittussarsiuussinermi piumasaqaatigineqartut kissaatigineqartullu peqatigitillugit. Tamakku tunngavigalugit ujaasinerit annaassiniartarnerillu Nunatsinni qanoq pitsaanerpaamik isumagineqassanersut neqeroorutitsinni ersersinneqarpoq.

Tamanna pillugu Sermitsiami paasisaqarnerugit: Uani ataani aviisimut isissutissarsigit:

Sermitsiaq Uge 38 2018

Klik her for at læse