Royal Arctic Linep akinut tapit appaqqippaat
Royal Arctic Linep nalunaarpoq umiarsuaatileqatigiiffiup sullitaminut assartuussinermut tapi 3 procentpointimik apparlugu.
Royal Arctic Line isornartorsiorneqangaatsiartarsimavoq 2024-mi assartuinissamut akinik qaffaanissamik nalunaaruteqaraangami. Umiarsuaatileqatigiiffik maanna nalunaaruteqarpoq Uuliap akiisa aningaasallu nalingisa appalaarsimanerat pissutigalugu assartuinermut tapi 13 procentimiik 10 procentimut apparniarlugu.
Umiarsuaatileqatigiiffiup ilisimatitsissutigaa uuliamut aningaasallu nalinginut tunngatillugu tapit iluanaaruteqarfigisarnagit akit "sunniutaannut ingerlatseqatigiiffik qajannaarsarniarlugu" atorneqartarmata.
Akit appariartutut
Uuliap akiata aamma aningaasat nalingisa appariartornerat, tapiliussap 1. februar appartinneqarnissaannut pissutaasoq, suliffeqarfik nittartakkamini ilisimatitsivoq.
Tapliussaq decemberimi 15,35 procentimiippoq, 1. januarimiilli 13 procentimut apparneqarluni. Sullitanut tapiliussaq piffissap sivikitsuinnaap ingerlanerani pingajorarterutaasumik appartinneqarpoq.